【武漢肺炎】喬寶寶從印度偷運口罩 成本五毫子一個：成個篋都係
撰文：吳子生
出版：更新：
喬寶寶今日（21/2）現身電台出席節目訪問。提到最近與印度餐廳老闆友人自發性派發口罩給街坊應急，被網友大讚愛心爆，喬寶寶坦言：「我哋做咗呢件事，其實呢啲事係政府應該做，希望政府係啲弱勢社群長者嗰度，應該做多啲派口罩嘅工作，我覺得澳門當局做得好好，每星期都會向每位長者派發7個口罩，我覺得呢個方案唔錯，呢啲唔係我哋啲市民去做，我覺得政府應該可以做好啲。」
喬寶寶透露印度當地出售口罩，每個只需要港幣2毫子。（葉志明攝）
喬寶寶曬出他在當地搜購的口罩：
喬寶寶透露早前從印度購買的口罩價錢只需要港幣五亳一個：「我買呢個價錢已經係炒價，如果唔係炒價只係兩毫子一個，之前印度政府都唔准口罩出口，我試過拖住兩個行李箱離境印度返香港，我個行李箱八成都係口罩，數量都成千個，過境時都怕佢哋發現，不過最終順利返到香港，將啲口罩派畀啲有需要嘅人。」
喬寶寶從印度當地購買過千個口罩帶返香港派街坊。（葉志明攝）