【二月廿九】吳海昕劉俊謙二度合作變熟絡:加啲點到即止嘅曖昧

撰文:葉詩
出版:更新:

今日是四年一度的2月29日,ViuTV全新愛情穿越劇集《二月廿九》亦選擇在這天舉行宣傳活動,可說別具意義。女主角吳海昕(Sofiee)談到因為近來疫情嚴峻,一星期有5天都在家煲劇:「拍完《二月廿九》對穿越時空嘅劇集有興趣,最近就煲咗《想見你》!」談到《想見你》熱潮仍然未退,會否怕有比較,Sofiee就說:「有比較係好事,我自己都好欣賞柯佳嬿雖然一人分飾兩角,但每一場都做得好自然,原來年紀愈大有啲經歷會令你愈發光。」

吳海昕說在劇中有兩位俊男相伴,觀眾可能會誤以為故事與三角戀有關,可是這一次《二月廿九》集中說成長的部份比較多。(陳志嵐攝)

談到劇中的兩位型男拍檔徐天佑與劉俊謙,Sofiee認為天佑很有暖男特質:「第一次同天佑合作,發現佢講啲好突兀嘅對白都好自然,例如我哋平時唔會講啲好純愛嘅對白:『唔緊要,幾耐都好,我都會等你!』」

至於繼《教束》後第二次合作的劉俊謙:「今次就調轉角色,我好純真、佢好冷漠。」Sofiee談到因為彼此更熟絡了,對演戲更有信心,所以在研究劇本時會添加一些屬於自己的元素:「我同劉謙喺現場會加啲點到即止嘅曖昧,例如有場戲佢行入間房度插張卡,我就提議不如加個壁咚,導演都贊成。」至於親密的戲份,Sofiee就說這部劇比較偏向純愛:「唔想大家忽略成長、面對孤獨感,所以唔係太專注喺愛情,有機會的話希望可以有續集。」

+4

Sofiee從小到大都很喜歡岩井俊二《情書》中淡淡的愛情,所以這一次到北海道拍攝感受特別深:「我未埋位已經係咁聽《情書》嘅Soundtrack,希望可以從中攞啲感覺。」若然自己有機會穿越,Sofiee說不會選擇未來,反而會選擇回到過去:「因為我係一個好念舊嘅人,想返返去廿幾歲嘅時候,覺得嗰陣去得太少地方,而人生係要遊歷下世界。當時做咗四年空姐,都冇好好善用機票嘅優惠,如果可以返返去,我會自己孭住背囊一年去30個國家!」