【二月廿九】北海道外景凍到對腳冇感覺 徐天佑:浪漫背後係辛苦

撰文:
最後更新日期:

今日正值是四年一度的2月29日,ViuTV全新愛情穿越劇集《二月廿九》亦選擇在這天舉行宣傳活動,可說別具意義。近來新冠肺炎(又名:武漢肺炎)疫情嚴峻,徐天佑都盡量避免外出:「我唔使做嘢就喺屋企,本身忙緊錄音,但疫情開始之後都擱置咗。」天佑善用這段空檔看書、做音樂,他覺得靜下來思考也不錯;至於政府日前釋出的居家隔離清單,天佑亦表示查閱過:「附近有其實都會好小心,有時如果唔係做嘢連門口都唔出,都少去Club House。」在劇集宣傳方面,或多或少均會受到影響:「之前有啲宣傳都取消咗,唯有盡量做。」

徐天佑首次在電視劇中擔正。(陳志嵐攝)

徐天佑除了在《二月廿九》中飾演男主角馬志浩(Ryan),又親自為劇集歌曲擔任曲、詞、編、監:「寫歌、寫詞畀套戲都係第一次,仲要係角色嘅角度出發,寫詞嘅時候覺得對角色嘅了解多咗。」提到劇集今次特意到北海道取景,天佑說:「原來睇戲裏面冰天雪地好浪漫嘅情景,拍攝背後係咁辛苦。有一日我已經着咗兩對襪、加暖包,但對腳都凍到赤痛,然後開始冇感覺,唯有即刻同導演講要入返室內。」天佑分享拍攝從來都不易:「最想出嚟嘅畫面係靚,就會頂埋佢、拍多個Take。」

+6
+6
+6

《二月廿九》有穿越的元素,若然自己有機會穿越,天佑就希望回到小時候:「細到係小學嘅時候,爸爸媽媽會幫而家啲小朋友影好多成長嘅相,而我係冇㗎,因為屋企細個冇呢個習慣;所以有時演唱會要拎返細個嘅相,我嚟嚟去去都係得嗰兩三張,所以就想返去影多啲相。」至於會否希望改變過去的一些事,天佑就說:「發生咗嘅事如果有得改變故之然好,但唔可以咁諗,當下嘅決定唔好令自己遺憾就好。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。