【二月廿九】劉俊謙想穿越回到90年代:當時香港好多嘢都好簡單

撰文:
最後更新日期:

今日正值是四年一度的2月29日,ViuTV全新愛情穿越劇集《二月廿九》亦選擇在這天舉行宣傳活動,可說別具意義。劇集今次特意到北海道取景,劉俊謙猶記得拍攝其中一天的氣溫低至零下十七度:「其實我着住嘅Costume大褸都好薄,但嗰日要瞓雪地,我懷疑導演同Crew全部都覺得我做戲做得好好,但其實我只係凍到打冷震!」

近來疫情嚴峻,劉俊謙說少了外出,即使外出也是去做運動,很多時候都在家看電影、看書。(陳志嵐攝)

劉俊謙談到在雪中拍攝的難度甚高:「身體感覺未試過,體會到原來日劇、《情書》嗰種感覺係咁;凍到面嘅肌肉唔太郁到,有時就會食咗啲字講唔到,我同Sofiee(吳海昕)拍咗好多個Take!」加上日本當地拍攝有限時的規則:「呢個景拍兩個鐘就淨係得兩個鐘,唔可以再拍;而香港拍攝好少會咁On-time,所以就要拍得好快,都係一個挑戰。」

劉俊謙與吳海昕繼《教束》後二度合作,二人之間變得很有默契。(陳志嵐攝)

《二月廿九》劇情以穿越為主軸,劉俊謙談到如果有機會穿越:「我成日都想穿越返去小學嘅時候,即係90年代;當時好開心,因為香港好多嘢都好簡單,未有智能手機,放學就同同學去公園捉迷藏、食雪條,我好懷念嗰段時光。」至於會否希望改變過去的一些事,劉俊謙不假思索說:「唔會!有啲事無論好與唔好,發生咗嘅就係最好。」

+6
+6
+6

劉俊謙日前憑《幻愛》在第26屆香港電影評論學會大獎奪得最佳男演員,及後再下一城在第39屆香港電影金像獎獲得最佳新演員的提名,問到有沒有信心獲獎,他說:「我冇諗啊。其實一定係會想攞獎,但我將呢樣嘢放得幾輕,因為我比較想套電影多啲人睇。香港電影都低迷咗好耐,難得有一套好本土嘅電影出現,我會期待多啲人睇多過攞獎,攞獎都係平常心。」至於接下來的計劃,他說:「舞台、電視、電影我都Welcome,只要係好嘅作品,我都係遇到個劇本好有興趣就會拍。」 



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。