【美女郊遊遊】沈殷怡陳欣妍行山崩潰事勁多:拍完第一日已經好驚

撰文:
最後更新日期:

ViuTV節目《美女郊遊遊》的沈殷怡和陳欣妍這兩位Shirley在最近成了網絡熱話的討論中心,人靚身材好就不再話下,但得到網民追捧的原因卻遠不在此。穿着比堅尼泳裝在沙灘中陽光下奔跑、嬉水的畫面,固之然帶給觀眾非一般的官能刺激,但真正吸引人追看的,是那餘下十份之九的集數才對。

沈殷怡服飾:b+ab

陳欣妍服飾:tout a coup

場地:cheeZe Production

4月1日大家都預期的《美女郊遊遊》畫面。(電視截圖 / ViuTV提供)

現實中的《美女郊遊遊》畫面。(電視截圖 / ViuTV提供)

「點解妳哋着比堅尼跑山?之前同我講個版本唔係咁...」記者問道。
陳欣妍臉露微笑,充滿成功感地回答:「係愚人節!係導演Mike(即是節目中人稱的『格仔導演』)話要整蠱大家!」即言下之意與她毫不相干,哈哈。

「玩到咁大...妳哋冇抗拒咩?」再問。
沈殷怡思考了一會就說:「我諗同我哋拍呢個節目一樣,都係抗拒嘅,哈哈哈。」陳欣妍:「一方面係整蠱觀眾,另一方面係整蠱我哋。」

當日拍攝的原意,其實不是做專訪,而是做一個「ASMR」的專題。不過既然「一場嚟到」,也沒有理由不閒聊兩句。(葉志明攝)

《香港電影我撐場民選大獎2020》全民一人一票,用行動撐本土!
https://hkmovies2020.hk01.com
旗艦智能手錶 Series 5、Dyson風筒等豐富獎品等你贏!

想知點解沈殷怡會幫陳欣妍按摩,就記得留意啦。(葉志明攝)

節目播出前的某一晚,記者收到一條來自陳欣妍的短訊:「我今日去咗行山!好攰但係好開心!」然後相隔數天後經Whatsapp訪問時,又聽到了另一個版本:「我係十級畏高同畏水!我個人真係會震晒!有個Shot要爬上一舊大石上面...之後仲要爬山澗,嗚,點算吖?」而沈殷怡亦語帶哭聲的說:「第一日我就崩塌啦!我真係唔知點捱落去。我真係唔得啦...點解我對腳會咁腫?」

兩大女神沈殷怡陳欣妍再戰真人騷 《美女郊遊遊》竟變死亡行軍

拍攝節目時,沈殷怡表示自己每天都要在腳上用上最少10塊的止痛貼。(IG@shamshirley)

沈殷怡(Shirley)在19年加入ViuTV,短短一年就已經拍了11個綜藝節目,拍過 / 客串過5套劇。(葉志明攝)

沈殷怡陳欣妍拍《美女郊遊遊》 疫情禁足外地變香港「玩命」行山

做節目前,一定要面試見一見監製、導演,傾談一下節目內容。TVB如是,ViuTV也一樣。大家以為節目組會事先講解節目有幾「痴線」?原來製作組連「預防針」都冇打,就騙了她們答應參加節目。

陳欣妍說:「佢哋主要同我講係開心行吓山,當係小旅行。佢哋都知我有畏高畏水,所以都有話唔會太刺激。」沈殷怡補充:「佢哋同我講,郊遊就係放吓風箏、睇吓風景、喺大自然Chill吓,讀吓tag介紹風景就完。佢哋講嘅每一句我都信。」應該說,這個《花姐Error遊》的班底太了解她們,還是製作組對遊山玩水的理解異於常人呢?

好多人都話,睇到呢一幕都跟住沈殷怡和陳欣妍一齊喊。(《美女郊遊遊》截圖)

陳欣妍在2017年出道,就已經成為了電影《我們的6E班》 的女主角,之後也參演過《黑市-公屋》的單元劇,演技相當之好。。(葉志明攝)

她們七嘴八舌地說着拍攝節目的辛苦,沈殷怡:「嗰時真係好驚,因為我第一日就已經爆咗!好驚第二日仲要拍呢個節目。」第一日就要挑戰「針草帽」路線就不在話下,「爬」足12小時才到大帽山山頂後,她們又聽到一個震撼的消息。陳欣妍:「佢哋呃我話行到山頂有車!」沈殷怡接着說:「車呢?從來都冇見過。」之後數天每集都有新挑戰,跳水潭、爬山壁、爬瀑布,聽聞之後還會跳降落傘...

對沈殷怡和陳欣妍,這兩個沒有行山經驗的女生來說,爬山絕對是高難度挑戰。(《美女郊遊遊》截圖)

「Double S」沈殷怡和陳欣妍的性格十分不同,卻能在必要時互補不足。(葉志明攝)

大家看到這裡,是否覺得《美女郊遊遊》製作組十惡不赦?其實也不盡然是。最起碼,沈殷怡和陳欣妍都不覺得他們是衰人。沈殷怡:「導演同監製好得意㗎,佢哋成日都講:『我係你哋最好嘅朋友。』真係好辛苦就要同佢哋講。」陳欣妍:「佢哋成日都話:『多啲鼓勵,少啲責備。』」沈殷怡補充說:「佢哋係自己提自己,好好笑!」陳欣妍:「導演Mike嘅小眼睛,經常都會散發一種『妳得㗎!』,包含住愛嘅眼神去鼓勵我哋。」

【詭探前傳】沈殷怡棄做「律師女神」入行拍劇:監製喺IG發掘我

【黑市】陳欣妍入行後連拍兩套電影 自覺唔識做戲:有啲慚愧

講起《美女郊遊遊》,阿Dee都係靈魂人物。(電視截圖)

講完幕後,就到節目另一位主持阿Dee(何啟華)。沈殷怡:「佢好多元化!佢係團隊好友、心靈雞湯、領頭羊、替身、暖男、咕喱(苦力),仲係一個美女!」何解是替身和美女呢?陳欣妍就解釋道,在其中一集阿Dee會以女性打扮出場:「佢所有嘢都係扮我,仲要好似。」

一個節目製作組要有幾癲先諗到呢啲嘢,仲癲嘅沈殷怡同陳欣妍又肯玩...(《美女郊遊遊》截圖 / ViuTV提供)

點擊睇節目精華:

+16
+16
+16

點擊睇靚相:

+11
+11
+11

點撃睇沈殷怡IG靚相:

+10
+10
+10

點撃睇陳欣妍IG靚相:

+6
+6
+6


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。