陳友撐「港版國安法」直認不懂政治:明白咩意見都會有

撰文:吳子生
出版:更新:

陳友今晚(23/7)現身電視城出席《流行經典50年》節目錄影。提到演藝協會在疫情期間,為影業界基層人士派錢解困,陳友直言自己沒有申請:「我聽講有人要回水,被質疑唔係咁慘。我就好感恩,雖然疫情嘅工作都停咗一年,好多工作都冇晒,不過咁我就飲得少食得少,仲頂得住繼續堅持,留返畀啲更有需要嘅朋友。(會否覺得申請門檻太低?)唔係呢個問題,好多人申請嘅時候冇諗咁多,見到有錢攞,個個都走去申請,好似最近政府派一萬蚊咁,我都嗱嗱聲走去申請。」

陳友公開表明支持港區國安法,但自嘲不懂政治。(梁碧玲攝)

陳友公開表明支持港版國安法,但自嘲不懂政治,被網民大鬧盲目跟從背棄港人。陳友表示:「其實我答過㗎喇,而家我唔答啦!其實講過一次,咁我真係唔識政治,咁上次我都係咁講啦,我希望有個穩定嘅香港,大家一齊搵到食,開開心心用愛去互相包容,明白咩意見都會有,希望大家一齊搞好個家,好好地繼續向前從新出發。」

港版國安法成立,陳友直言從來沒有擔心過香港沒有言論自由。(梁碧玲攝)
+1
你可能感興趣