黃翠如被指整容改運變木偶鼻:我係唔會整個鼻嘅!

撰文:
最後更新日期:

黃翠如今日(24/6)現身電視城出席無綫劇集《那些我愛過的人》宣傳造勢活動。翠如就透露近日忙於拍攝新劇,故未有時間追看大感可惜,講起老公蕭正楠對她演出的評價,翠如表示:「佢有話我有啲位Keep唔到方樂汶個角色度,有啲去返自己嗰度,因為佢始終都對我特別嚴謹,咁所以我一聽到佢咁講之後,我就即刻去睇返,咁發覺有啲位真係冇Keep到。」

黃翠如被指整容,她坦言沒有感到難過。(葉志明攝)

《那些我愛過的人》劇集首播至今口碑強勁,而女主黃翠如亦成為全城焦點,近日有消息指她獲高人教路整容,將鼻托高改運。翠如笑說:「大家每晚睇呢套嘅時候,得閒㩒過隔離Cable台睇下我之前同宜家個樣,根本無可能話我整容嘅,咁如果攞一兩張相喺度就咁話我嘅記者,我只可以話佢哋根本唔太了解我,其實我成個人最自滿就係我個鼻,由細到大媽咪話我呢個鼻,叫做虎鼻係有福嘅,我可以一百個很定,唔心虛唔尷尬咁話俾你聽,我係唔會去整我個鼻嘅。(被指整容會否感到難過?)我冇難過,其實都唔只一次被人指整容,我只可以講,我係喺一個負面新聞下成長,對於我嚟講只係一個新聞,如果大家睇嘅時候有啲娛樂嘅話,我都覺唔係一件壞事。」

黃翠如認為大家睇完之後,覺得有娛樂性,她覺得未嘗唔係一件好事。(葉志明攝)



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。