蘇皓兒被指同羅天宇拍拖:佢好斯文、好溫柔嘅男仔

撰文:
最後更新日期:

蘇皓兒(Chloe)今日(24/6)出席在無綫電視城舉行的《那些我愛的人》劇集宣傳造勢活動。Chloe在劇中飾演林文龍愛女,父女感情深厚。回到現實Chloe原來同自己的父親相對較少交流傾心事,「同龍爺嘅感情可能仲濃厚,因為套劇裡面都發生咗好多嘢啦,又會幫我解決好多嘢。但現實生活中,就冇同爸爸經歷咁多高高低低嘅起跌,只係有平淡嘅父女情。(同爸爸冇交流?)其實人大咗,同爸爸少傾偈係真嘅,但播咗套劇之後,大家都會喺個廳度,一齊傾下啲劇情,大家嘅交流又好番啲,可能自己比較內斂嘅關係,所以少同Daddy講嘢,都係自己做得唔夠好。」

Chloe坦言與羅天宇絕無發展可能。(葉志明攝)

講到同羅天宇因為一張大合照而傳緋聞。Chloe坦言:「其實我同佢都係同一個藍球隊,而嗰日點解會同佢坐咗喺地下上影嗰張大合照,因為部相機低炒影出去,而我我唔想包包面就坐低咗,就拉埋羅天宇陪我坐低,其實係好普通嘅一件事。(覺得羅天宇點?)覺得佢好斯文,好溫柔嘅男仔,但我就比較粗魯男仔頭,大家只係朋友關係。(咩男仔吸引到你?)我鍾意陽光,打波運動型嘅男仔,不過我宜家享受單身,所以冇一個對象。(會否同羅天宇發展?)應該都冇咩機會,我哋唔會諗呢啲。」想知Chloe不為人知小秘密,就去片啦!

Chloe直言喜歡陽光氣色運動型的男生。(葉志明攝)

+5
+4
+3


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。