利物浦苦等30年提早英超封王 忠實粉絲潘杰寧:好似坐過山車

撰文:吳子生
出版:更新:

潘杰寧(Kelena)今日(26/6)今日以嘉賓身份現身ViuTV全新節目《索女人妻ichi烹》記者會。提起愛隊利物浦苦等三十年,提早7輪稱霸英超。Kelena表示好似發緊夢一樣:「我今朝好早就俾啲短訊嘈醒,先知道愛隊利物浦不知不覺間就攞咗冠軍,我諗全世界嘅利記隊迷,等咗佢哋攞冠軍好耐,本身我同啲朋友都安排咗今年會過去利物浦嗰邊睇波,因為疫情關係,所有計劃都取消咗,心情有啲失落,好似坐過山車咁。而本身對噚晚場比賽都冇乜大期望,心諗睇到就睇,但今日竟然發生咗,利記攞冠軍,就好似突然間就生咗個B出嚟咁,心情激動,睇返啲片我都有熱淚盈眶,場面好感人。」

利物浦忠實粉絲潘杰寧,今早獲悉愛隊提早封王,感到難以置信。(陳順禎攝)
+2