那些我愛過的人|王卓淇為演癌症患者化毀容妝:醜樣到忍唔住喊

撰文:
最後更新日期:

TVB劇集《那些我愛過的人》中龔芊芊(王卓淇飾)因為7年前的車禍而受重傷,不但導致左手左腳癱瘓,需要坐輪椅,還在左眼側留下傷疤,更患有鼻咽癌,相當凄慘。王卓淇(Erin)在劇中不惜放下包袱化醜妝,不少觀眾都大讚她表現專業,而芊芊在昨晚(1日)的一集中,最後死在男友Edison(李任燊飾)懷中的一幕亦令人感動!

龔芊芊(王卓淇飾)因為7年前的車禍而受重傷,導致左手左腳癱瘓,需要坐輪椅。(YouTube影片截圖)

劇情講到芊芊與男友Edison重逢後離開療養院,兩人去了當年的定情地點赤柱碼頭,回憶起過去的點滴,之後Edison更向芊芊求婚,兩人在酒店舉行一場小型婚禮,芊芊希望靠自己完成行禮,可惜行到一半已經流鼻血,還體力不支倒地,最後在Edison懷中逝世,兩人的結局相當凄美!

芊芊最後在Edison(李任燊飾)懷中逝世,兩人的結局相當凄美!(YouTube影片截圖)

+36
+36
+36

今次Erin一改以往形象,在劇中化醜妝示人,她在接受《香港01》訪問時直認醜到喊:「第一次做呢啲毀容嘅角色,係要將我嘅膚色化得更加蒼白,嘴又油白咗,成個人就會好灰白,但咁樣先符合角色,因為係末期癌症患者。雖然一早都知道自己係咁嘅樣出鏡,但係始終女仔都貪靚,呢套由頭到尾都咁嘅樣,自己睇吓睇吓就會覺得真係好醜樣,忍唔住喊。(會介意扮醜嗎?)唔介意嘅,因為演員要專業,最緊要大家睇到我演技有進步,非常開心,今次扮醜都值得,會繼續努力。」

Erin在劇中不惜放下包袱化醜妝,她直認醜樣到忍唔住喊!(電視截圖)

劇中芊芊最後慘死,而方樂汶(黃翠如飾)同姜煜誠(林文龍飾)就被神秘人設陷阱襲擊,不少網民都推測是Edison(即Eden)所為,對此Erin就叫觀眾一定要留意之後的劇情:「Edison嗰方面就……其實我都特登冇攞結局嘅劇本,我冇睇晒啲細節,但大概知道,因為我都想同大家一路睇一路解謎。」

芊芊慘死,最傷心的一定是Edison。(YouTube影片截圖)

方樂汶(黃翠如飾)同姜煜誠(林文龍飾)被神秘人設陷阱襲擊,極有可能就是Edison為女友芊芊報仇!(YouTube影片截圖)

+37
+37
+37

Erin在2014年參選港姐奪得亞軍而入行,去年她在劇集《十二傳說》中一場含淚獨白戲更獲觀眾大讚!雖然加入TVB六年來她所參演的劇集並不多,但Erin就表示會做好自己,等待機會,同時她還經常在IG Post靚相與粉絲互動,當中有不少都相當性感:「其實我副業係賣減肥產品,如果我冇好身材,人哋都冇信心買我嘅產品啦。」其實Erin早於參選港姐時就被揭家底豐厚,但她就堅持要靠自己:「其實我係小康之家,絕對唔係超級大富大貴。不過無論屋企有冇錢,都需要自己去打拼努力,要做啲成績出嚟。」除了代理修身產品之外,Erin近日更成立自家服裝品牌,親自設計,相當叻女!

Erin去年在劇集《十二傳說》中一場含淚獨白戲獲觀眾大讚!(電視截圖)

Erin最近成立自家服裝品牌。(IG@erin_kay)

點擊下圖睇Erin更多靚相:

+37
+37
+37


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。