女人必學100道菜│江美儀練菜式致失眠 三姐憶學廚往事眼濕濕

撰文:黃欣華
出版:更新:

三姐(蕭秀香)和江美儀日前去到TVB娛樂新聞台節目《StarTalk》宣傳最新烹飪節目《女人必學100道菜》,她們更大談合作拍攝新節目感受。美儀說:「今次為咗個節目,自己喺屋企不停練習菜式,搞到壓力好大,有次要整紙米卷,因為好難先包得好,自己好緊張,試過瞓瞓下扎醒,諗到個餡料嘅切法,咁樣先可以包得實淨啲,一諗通咗即刻瞓得著。」

(左至右) 主播許文軒(Edmond)、蕭秀香(三姐)及江美儀。

女人必學100道菜│三姐由飯盒女王變名廚 艱苦之路曝光:差啲死

專訪中,三姐更談到跟爸爸學廚的往事,她說:「我對爸爸有個承諾,佢話如果我學唔到佢嘅嘢,就唔需要我同佢上山,呢件事我一直放上心,我之後努力練習,不停去學,亦有跟老師去學擺設,之後膽粗粗去咗參加比賽,最終一年裡面我攞到兩個獎,包括最有創意獎同金獎,真係好似選香港小姐咁,宣布結果時叫我個名我都唔識反應,我覺得我終於有啲交代,話畀爸爸聽我得咗啦!」

兩位主持走訪不同街市、食材供應商店,教大家揀選優質食材及解構滋味密碼。(Facebook/@香港女廚王 - 三姐)

點撃下圖重溫三姐各款菜式加步驟!

+20

再點撃下圖睇江美儀教的簡易菜式!

+4