3日2夜｜何泳芍Honey拍片自爆曾患暴食症：覺得自己好嘔心
撰文：林迅景
出版：更新：
無綫小花何泳芍（Honey）自參選港姐後加入《學是學非》成為「是非精」之一，及後更主持了《3日2夜》節目，其充滿陽光味的健康膚色以及愛好潛水的性格亦令她在藝人之中突圍而出。不過，日前她就在自己的Youtube頻道上與網民分享，原來自己曾患上暴食症，特別是去年拍攝泳衣節目的時候，更不停地重覆狂食狂嘔。
點擊下圖睇 何泳芍（Honey）分享患上暴食症時的心路歷程：
+29
何泳芍（Honey）接受《香港01》訪問時，就補充說：「其實最嚴重嗰陣大約係舊年年尾，唯持咗三個月左右，病情一直都反反覆覆。返工或者見朋友之前會覺得好大壓力，唔知佢哋會唔會又話我肥咗，但係有時一日入面可能會有人同我講我瘦咗又會有人同我講我肥咗，所以其實自己都分唔出自己係肥咗定瘦咗。」
她續充，其實公司並沒有規定女藝人的體重，但合照時她總會覺得自己身材偏肥，從而給了自己壓力。「入咗行其他個個女仔都瘦到飛起，你企埋去咪唔夠瘦，其實公司都無話一定要好fit，但係當然係越瘦越好。影相或者上鏡唔係真係爭咁遠，但係會俾人話你要減肥囉。」
工作無形中接收了不少壓力，其實在網絡上也是。她說：「Post張相有少少肥肉就會俾人話發福，其實都係人嚟㗎姐，有少少肥肉都好正常，所以個個同事都執到好完美先Post，咁又製造咗啲假象出嚟好似人人都咁Fit咁完美，咁樣就變成咗惡性循環。我同同事講開呢個問題，原來十個有八個女Artists都有一樣嘅症狀。嚴重嗰時壓力會大到唔想出街見人，跟住就唔食嘢狂做運動減肥，然後又發病暴食到嘔。網上個風氣好鍾意公開咁評論其他人身材，可能係件衫鬆少少就俾人話肥，或者角度問題又會話覺得你瘦咗。做人真係辛苦。」
點擊下圖睇更多靚相︰
+59