專訪|視后蔡思貝形容呢行爾虞我詐:我覺得我做到光明磊落

撰文:
最後更新日期:

蔡思貝(Sisley)奪得無綫萬千星輝頒獎典禮「最佳女主角」!手指數一數,今次已經是她6次競逐「最佳女主角」這個獎項。說來巧合,2017年她也憑《踩過界》趙正妹(癲姐)一角奪得「最受歡迎電視女角色」,而今年亦分別憑《使徒行者3》競逐「最受歡迎電視女角色」和「最受歡迎電視拍檔」兩個獎項。蔡思貝多年來的努力,是有目共睹的。

蔡思貝入行7年改變了很多。(劉智源攝)

勤力的演員 入行7年未放過假

蔡思貝:「拍完《踩過界II》,原本想去一個旅行,因為我入行7年從未放過假,冇去過旅行。」原來因為疫情關係,間接地打亂她的旅遊大計。怎麼辦?旅行取消了,就唯有繼續工作吧,但她卻遇上另一個難關。

蔡思貝奪得2020年無綫萬千星輝頒獎典禮「最佳女主角」,成為「視后」。(電視截圖)

蔡思貝表示入行7年從未放過假,希望可以有時間旅行。(劉智源攝)

為拍《踩過界》而增磅

蔡思貝說:「開頭接到《飛虎3》劇本嘅時候,係話一個(千金)大小姐角色,幾好吖,可以打扮多啲啲,又唔係『掘擂槌』嘅角色,但係最後尾開拍前,原來我都係做返飛虎。」她還透露,知道要拍攝《飛虎3》後,又要重回健身之路:「唔知你有冇留意到,癲姐係比平時嘅我更加肥,又冇腰,但係冇理由用嗰個身形做飛虎,所以就要即刻做返gym。」她透露,防彈衣、頭盔、槍,經常都要穿住整副裝備「上天下海」,拍攝時一點也不輕鬆:「你一問起我近況就喺咁講,今次真係幾有挫敗感。」問她怎麼辦?她卻坦言:「唯有鍛鍊多啲,希望終有一日可以一個好嘅體態去一次動作戲。」

蔡思貝(Sisley)在(《踩過界》中飾演趙正妹。(《踩過界》劇照)

唔想再做男仔頭角色?

「有得做我一定做,因為每個角色每個劇本都一定有發揮。」總括來說這就是入行7年的蔡思貝的工作態度,「男仔頭」外表帶給她更多工作機會,同時也擴闊了她的戲路,無論是《鐵馬戰車》的貝心柔、《機場特警》的辛凱晴或是《踩過界II》的趙正妹,在TVB中都是罕見而獨特的角色類型。問道:「妳心底裡還是希望做少啲男仔頭或者警察角色?」她笑了一笑,回答說:「總之有機會就會say yes。」看來現階段的蔡思貝還是十分被動的。

當年的蔡思貝(Sisley)真係好Green。(《衝線》劇照)

形容自己是萌芽中的植物

經「香港小姐」而入行,7年時間參演過14套劇集,競逐過近廿次獎項,蔡思貝覺得自己算是一線演員嗎?她沉思了好一會,說:「我係一粒啱啱喺泥土度掙扎咗一段時間,淋極水都冇乜睇頭,而家開始有一棵小豆芽出嘅植物。而家開始有嘢睇下,令到人哋期待呢棵芽,將會生長什麼顏色嘅花。」她又形容演員就似是一顆大樹,樹根每天都在吸收新的營養,隨住年資和見識增長就會長得愈加荗盛。她說:「我嗰時喺德國生活,每個星期就會坐廉價機周圍飛:「去到機場就問最平嘅去邊,可能係10歐羅,然而去兩日就返德國開工。」

參選香港小姐前,蔡思貝在德國生活過一段時間。(劉智源攝)

蔡思貝反問:「你記唔記我攞最受歡迎電視女角色講過乜?拍《踩過界》嗰時咁啱就係自己最冇自信,好唔鍾意自己嘅時間,咁啱林志華就搵咗我做一個咁卑微嘅角色,所有嘢就好不謀而合。《踩過界II》你都會見到趙正妹自信多返好多,卑微少咗好多,亦成熟咗,呢三年就好似我同『癲姐』一齊成長咁。」蔡思貝努力了年終於成為「視后」,真係恭喜晒!

蔡思貝經由參選「香港小姐」而入行。(視覺中國)

不忘參選香港小姐時的志向

還記得,7年前蔡思貝參選「香港小姐」時,她說過自己的志向是「做一個光明磊落的人」。回顧7年TVB生涯,是否能做到呢?她回答:「我覺得我做到。光明磊落嘅定義係乜?首先係冇害人,其次係有機會去害人嘅時候都冇去做,就算之後有著數都好,都會選擇唔做,就算喺冇人見到嘅情況之下都係做一個好人。呢一行爾虞我詐,明爭暗鬥,有嘅機會大把,唔去害人係好難,因為到最後,自己係會過意唔去,瞓唔着,其實唔值,同埋會有因果。」

場地提供:香港九龍貝爾特酒店

髮型 @kkingleeeeee

化妝 @stephenmakeup

+6
+6
+6
+18
+18
+18


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。