鄭欣宜自爆食生酮飲食 唔使減食量都瘦成個碼︰餐餐都食得好開心

撰文:
最後更新日期:

香港開電視節目《30分鐘大放餸》每次都會邀請藝人上節目大顯廚藝,最新一集有許廷鏗(Alfred)和鄭欣宜(Joyce)二人「煮返兩味」,而正在食生酮飲食餐單的Joyce就透露自己經常會研究一些沒有澱粉質和糖的餐單,今次帶來了一味「意式奶油雞肉」。生酮飲食在近年大受歡迎,Joyce表示︰「我已經食咗大概9個月啦,但中間係有啲Break嘅時間嘅,可能中間我生日啊,或者佢(Alfred)生日啊,都有放肆嘅。」她又表示生酮飲食的菜式可以好美味︰「其實我好鍾意食澱粉質嘅,但係我可以唔食,但如果我要食,一定要好好味!」

Alfred大爆Joyce做Body Check的結果。(《30分鐘大放餸》電視截圖)

講開飲食和健康,Alfred大爆Joyce的「秘密」,他指Joyce早前去做身體檢查,各方面指數都很不錯,非常健康,Alfred又說︰「好多朋友都會話『你同Joyce講吓啦,叫佢注重啲飲食』,我想話佢注重過我啊直頭!同埋我覺得呢個係一個謬誤嚟嘅,好多時啲人會覺得肥就等於唔健康,但其實肥都可以肥得健康,只要係嘅身形係Fit for你嘅Body shape,同埋Fit for你平時嘅生活習慣。」他又指每個人的骨架和身形都是受基因影響。

Joyce自爆自己採用生酮飲食進食後,瘦了一個碼。(Instagram@princejoyce)

+14
+14
+14

點擊下圖看曾經瘦到130磅的Joyce的舊相︰

+3
+3
+3

而Joyce自己都講到︰「所以好得意㗎,我喺呢9個月裏面,我餐餐都食得好開心,好美味,我又冇斷食,我又冇減食量,但係我又真係(着)細咗一個Size嘅衫囉,同埋個Energy level係正常好多。」主持黃芳雯講到好多人減肥都會變得「易攰」,身為牙醫的Alfred就解釋︰「因為糖份係好容易令到個人嘅情緒大起大落嘅,我爸爸啲朋友都成日講話去到某個歲數,糖份是人最大嘅敵人。你愈食得多糖,你嘅Energy level就愈難平均,因為你啲胰島素一出嘅時間呢,就令到你身體啲機能亂晒啦!」

點擊下圖看食物餐單和製作方法︰

+19
+19
+19


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。