溏心風暴之家好月圓|夏雨重看劇集充滿回憶勁感嘆︰琴姐行埋𠻹喇

撰文:李婉文
出版:更新:

ViuTV新節目《是滴是友》於周三(3日)進行探班活動,當日錄影的嘉賓有夏雨和兒子黃奕晨(Dixon),他們父子會上節目邊「摸住酒杯底」邊談心。講到近來無綫重播2008的劇集《溏心風暴之家好月圓》,夏雨接受《香港01》訪問時表示間中都會收看,他直認重看劇集也充滿回憶,他說︰「先後都拍咗三輯,而家播第二輯都十幾年㗎啦,嗰啲人變化都好大,有啲又唔做喇,琴姐又行埋𠻹喇,諗返起好多拍攝嗰時嗰啲趣事,同埋當年播映裏面,所得到嘅收穫啊,都有諗返起。」

夏雨早前被鄭裕玲(Do姐)在電台節目《口水多過浪花》大爆他拍1976年劇集《書劍恩仇錄》的趣事,爆他曾因「耍劍花」不成功而發火,更誤傷自己,夏雨聞言即哈哈大笑,他直認有此事,他說︰「都有(嬲)㗎,完場係嬲嘅,佢都講咗啦,費事再講啦,幾廿年!」(梁碧玲攝)

鄭裕玲爆夏雨拍劇曾發火爆粗仲搞到整親︰佢好可愛但有啲脾氣

夏雨講到當年拍第一輯《溏心風暴》時,大家也想不到會有這樣好的成績,開第二輯時大家都覺得壓力會更大,他說︰「第一部初時譬如楊怡(楊茜堯)、法拉都好新嘅,第二部已經成咗巨星啦,所以啲編劇都好頭痛,啲戲份又要點樣分配啊,但係呢個都係喺我咁多年裏面都係一個好深刻嘅一套戲。(位位都要有一定戲份?)係啊係啊!」

《溏心風暴之家好月圓》陣容相當鼎盛!(網絡圖片)

點擊下圖觀看《溏心風暴之家好月圓》十大金句:

+12

夏雨曾在TVB工作一段長時間,但兒子就在ViuTV工作,他覺得Dixon的路還是交給他自己決定較好,「你話Viu好啊、TVB好啊、或者係電影好?其實冇㗎,成條路係你自己行㗎,我其實幫到嘅好少。」Dixon也認同爸爸︰「因為其實講咁多個『星二代』,大家都希望可以行到自己嘅一條路出嚟啦,唔希望俾人哋見到自己嗲哋、或者媽咪嘅影子喺度,咁我第一步就已經選擇咗唔想跟嗰條路去行嘅話,咁我就要自己要承擔返嗰個壓力同埋責任,做唔做得成功係睇我自己,咁我成功咗咪同佢講『老竇,我搞掂啦』,咁唔得就『老竇,我今個月唔夠錢使啊,借啲嚟用吓先』。」

夏雨覺得Dixon選擇在哪間公司工作是他自己的選擇,也不會干涉什麼。(梁碧玲攝)

繼跟譚凱倫(Helen)傳緋聞後,Dixon的新緋聞女友是ViuTV新一代女神王頌茵(Kathy),他否認有關報道,又指不時跟這兩個女生外出時被人影到,他笑言︰「考慮吓絕交㗎喇我諗要!因為你哋啊!(係好Friend?)係,我哋3個好Friend嘅因為,琴日我哋先至喺Helen屋企同Kathy慶祝生日。」被問到有沒有發展的可能,Dixon猶豫了一會,一旁的夏雨說︰「將來嘅事邊個知啊!(做新抱啱唔啱你心水?)啱唔啱心水唔係啱我心水喎,係佢心水喎,我啱心水佢唔啱都冇用㗎。」

+12

同場加映,Helen和Kathy的靚相︰

+12
+12

同場加映︰溏心風暴之家好月圓︱盤點劇中冷笑話 李司棋跳住舞拆Gag勁過癮

溏心風暴之家好月圓︱盤點劇中冷笑話 李司棋跳住舞拆Gag勁過癮
+11
發表評論...