鄧兆尊畀150萬家用食飯買嘢另計 自言對靚女港姐冇興趣

撰文:
最後更新日期:

亞洲心動娛樂(AMM)的網台麻將節目《今晚有牌打》由電玩達人林慧韡(達哥)和鄧兆尊主持,早前直播播出的一集有「好戲之人」古明華和近來紅爆的法科師傅七仙羽做嘉賓,林文龍有現身撐場,他們邊打牌邊吹水,七師傅一開頭就表示︰「尊尊好吸引我,因為我一直都好想知究竟佢有幾多錢。」不斷向鄧兆尊「迫供」,非常搞笑。

鄧兆尊被七師傅「迫供」。(影片截圖)

鄧兆尊出名有女人緣,有三位紅顏知己。七師傅一開頭就問︰「你每個月畀幾多錢你三個老婆?」鄧兆尊被嚇親︰「咁辣㗎!我唔係逐月畀㗎師傅!我逐年畀㗎喎,我哋長期合約嚟。(七師傅︰大概一年每一個畀幾多?)一年50、60萬到啦,每一房。(七師傅︰畀完有啲咩要做㗎?)冇咩要做㗎,喺我屋企得㗎喇!」面對七師傅的追問,鄧兆尊唯有坦白表示她們在家煮煮飯,也沒什麼特別要做。他又說如果電話壞了就買給她,「食嘢任食,唔係食到好多㗎啫(七師傅︰都係你畀錢?)係。」七師傅即場計數直指一年給了150萬家用,又說︰「好少錢喎,咁你啲錢咁多咪有排用唔晒?」鄧兆尊就指自己不是有好多錢。

七師傅爆有港姐朋友對鄧兆尊有興趣。(影片截圖)

之後七師傅終於解釋是為朋友問的,因為朋友有興趣,她說︰「香港小姐嚟㗎,對佢有興趣,不過我就先check吓底價係幾多先。」但鄧兆尊就直指自己不太欣賞港姐類型,他說︰「你知以前《獎門人》都好多港姐㗎啦,個個佢啲徒弟(如王祖藍、錢嘉樂、洪天明等)都有個港姐,係我冇!」七師傅話朋友願意自動減價,3萬元一個月就可以。後來七師傅形容她的朋友︰「佢好靚,唔係好高,眼好大,上面(上圍)都好大。」後來話題繼續停留在鄧兆尊身上,七師傅說︰「雖然佢(鄧兆尊)咁多老婆,但係(現場的四位男士當中)最唔鹹濕嗰個就係佢,因為佢屋企嗰3個,佢都唔掂。」又說︰「同埋佢點解唔掂,因為我發咗個夢夢見咗尊尊,夢入面,你就話『七師傅,我愛你,我想要你個羅庚!想玩羅庚!』佢不停話要,跪低求我」。」現場眾人都不知如何應對,場面搞笑。

點擊下圖看鄧兆尊的女友和其他節目精彩截圖︰

+4
+4
+4

七仙羽說自己跟鄧兆尊媽媽祥嫂洪金梅好熟,是好友,若有機會,希望作法請祥嫂「上嚟」一家團聚,兆尊笑問:「請佢上嚟?你有冇諗過我想唔想同佢一家團聚?不過師傅你咁有誠意,就安排吓啦!」另外,古明華踢爆當年跟林文龍合作拍《十兄弟》時,對方經常歸心似箭,最愛回家吃飯,林文龍說︰「我真係好鍾意返屋企食飯唔知點解。」所以一就到時間就會回家食飯,果然錫老婆。

同場加映,林文龍老婆郭可盈和他們一家人的靚相︰

+26
+26
+26

同場加映︰72歲石修拍劇留長鬚勁有型 盤點12位45+型佬有人留鬚驚現崩壞?

72歲石修拍劇留長鬚勁有型 盤點12位45+型佬有人留鬚驚現崩壞?

+23
+23
+23

同場加映︰細數TVB的緋聞女王 蔡思貝入行8年已有12位緋聞男友極有異性緣

細數TVB的緋聞女王 蔡思貝入行8年已有12位緋聞男友極有異性緣

+16
+16
+16


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。