何婉盈效力TVB僅得五千月薪毅然轉行:生活都成問題好對唔住屋企

撰文:
最後更新日期:

何婉盈周二(23日)出席《音樂永續》錄影,並選擇劉德華的《情感的禁區》一曲,談起與這首歌的淵源,她說:「好老土地講我真係好鍾意劉德華,佢嘅我偶像,回憶都返晒嚟!細個會每星期儲5蚊,儲好多星期先買到一餅卡式錄音帶,我Keep到依家,仲專登留返部Walkman去播!」

+5
+5
+5

何婉盈時隔28年上架新歌《錯到最後還是對》,是經典歌《愛上你是一生的錯》的續集,她就表示希望重拾自己的音樂夢:「囡囡開始大,終於可以重拾自己鍾意做嘅嘢,之前作為單親媽媽要身兼父職,主內持家主外工作都係我,真係好忙。」

何婉盈參選1991年度香港小姐競選入行,迅即獲無線賞識拍劇,拍過《妙探出更》、《群星會》等作品,風頭一時無兩,不過她早前接受訪問時表示當年底薪僅得$5,000元:「好難捱,連續三、四年不停拍劇淨係𢭃月薪、騷錢,連租都交唔到,交完租生活又成問題,好似對唔住屋企,就毅然轉行。(有後悔過?)都冇嘅,拍咗劇多咗人識,嗰五年都開心嘅。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。