陳葦璇與蘇皓兒開group 踢走前As One隊友Shin：冇乜佢消息
《全民造星III》亞軍陳葦璇（Kira）今日（25日）出席運動遊樂競技活動，她表示自己除了跳舞之外還會去健身和落街跑步練氣，但卻因為經常勁歌熱舞的緣故身上有不少舊患，更因為有腰間盤突出要每兩三個月去啪骨，最嚴重的時候連覺也睡不了。
葦璇去年因參加《全民造星III》而向公司墊支六位數成為「債仔」，她笑言現在已經很努力還錢給公司：「其實唔係欠債，因為比賽嘅時候服裝、styling、裝頭同舞蹈員都係必須要嘅洗費，我而家都好努力工作希望可以搵多啲錢。」她直言自己是一個「幾chur的藝人」，所以反而是自己給了公司不少壓力：「由《造星》到而家各方面宣傳都係我chur住經理人，我好希望唔會因為《造星》完咗就停，希望可以一路有工作直到退休。」
坦言雖然作為歌手首要目標是推出好音樂作品，不過葦璇表示不能單靠出專輯、出歌作為收入的單一渠道：「賺唔到錢係大家都知道嘅事！其實我哋仲有心去做音樂都係想大家接納我哋嘅音樂，但如果輔助上嘅例如廣告、出show可以有多啲觀眾喺現場，就自然宣傳到首歌而認識我。」
葦璇曾用本名陳嘉茵於2015年以女子組合As One成員身份出道，當時一頭長髮的她形象甜美可愛，直到去年參加《全民造星III》時改名兼剪短頭髮一洗過去令人眼前為之一亮，她笑言連As One時期的粉絲都告訴自己很喜歡她的轉變，覺得現在的陳葦璇感覺反而更親近，亦沒有要求她再留長頭髮，連As One幾位成員都大讚自己靚仔：「通常剪頭髮都愈剪愈短會上癮，其實連Chloe（蘇皓兒）同Nata（陳苑澄 Tania）而家都剪埋短頭髮，所以我諗短頭髮係而家嘅潮流！」
四位As One成員在團體解散後單飛發展都成功翻身人氣回升，有否考慮過重組As One？「應該冇人夠膽咁做，因為做女子組合真係要好多資金，好似我哋之前首《Candy Ball》去到韓國排舞，服裝各樣嘢洗費都好大，而且香港又冇啲好大型嘅live show，所以都回唔到本。」
她坦言自己與Chloe和Nata仍然保持友好關係，至於赴韓參加過後往內地發展的As One隊長Shin（吳思佳）就沒有再聯絡：「之前我有一個Solo嘅活動有見過佢，之後就冇再見過啦，所以都冇乜佢嘅消息。我同Chloe同Nata就有一個group（群組）叫『小寶寶』，其實我哋日日都會傾偈，就算我隻手指流血我都會打畀佢哋，好小嘅事我都會聯繫大家！」
同場加映：全民造星III｜陳葦璇知名度一度大落後 As One其他隊員去哂邊?