法證先鋒V|落實開拍周柏豪做男主角 編審葉天成:小丑一定會有

撰文:黃梓恒
出版:更新:

《法證先鋒V》落實開拍!上年播放的《法證先鋒IV》錄得極好收視,最高達到40點,全劇平均收視36.3點,令到無綫立即決定添食!暫時所知,因頭四輯的監製梅小青退休,所以監製位置由上一輯的執行監製方俊華頂上,而編審的位置,將會是金像獎最佳編劇兼《使徒行者》系列編審葉天成擔任,而知男主角其中一位就知周柏豪。

周柏豪再次做男主角!(IG@周柏豪)

即睇周柏豪冧女金句:

+24

早前網上傳出,TVB將會開拍一套名為《黑社會》的劇集,主角是周柏豪,編審也是葉天成,不過葉天成在接受《香港01》訪問時表示這部劇他並不存在,自己正在為《法證先鋒V》作準備,他說:「我哋諗過好多題材,我上年都諗過啲類近,6、70年代講香港黑社會、警察嘅戲,曾經有咁樣構思過,構思完之後未正式落實,因為我要開《法證先鋒V》。係稍稍有個構思啫,因為我哋本身會構思好多劇種,睇吓投資方要唔要,或者我哋自己有咩題材可以發展,嗰個暫時hold住咗,冇劇本出過,係傾過吓啲故事大綱。」

葉天成(圖左)是資深編劇。(FB@文偉鴻)

講到《法證先鋒》系列,當然不能不提「小丑」這個角色,是頭四輯的監製梅小青特意舖排,在《法證先鋒IV》大結局的一幕,四個小丑的屍體攤在地上,手掌擺出一個五字手勢,大家都猜測是不是為第五輯舖路。而《法證先鋒IV》中張曦雯飾演的角色,童年也是被小丑擄走,導致有陰影,最終成為final boss。

《法證先鋒IV》第一集又係「小丑」。(螢幕截圖)

即睇返頭四輯小丑:

+2

葉天成也有為小丑這個設定解畫,並表示新一輯繼續會有這個角色,他說:「小丑呢個設計係一至四輯都有,亦都係小青姐一個好有追看性、懸疑性嘅設計,我哋一定會保留,因為方俊華都跟咗小青姐起碼做咗三輯,佢有問過,我話一定會有,我亦都好尊重小青姐。不過可能會有特別小小嘅小丑出場,例如可能係西片嘅小丑?我哋仲考慮緊,因為我哋嘅劇本仲創作緊,當然希望有啲新嘅元素畀觀眾睇。」

同場加映:TVB藝員訓練班擁50年歷史成香港影星搖籃 曾出產過11個影帝影后

+6

再睇頭十期訓練班仲有咩藝員留喺TVB:

+6