緬甸大地震｜陳懿德有親戚喺泰國倒塌大樓返工：避過一劫

陳懿德（德德）今日（29/3）現身尖沙咀出席《慧妍雅集43週年慈善晚宴2025》。提到緬甸地震波及泰國，曼谷興建中大樓倒塌致多人死傷及過百人失蹤，泰政府宣布進入緊急狀態，情況令人憂慮。

德德接受《香港01》訪問時表示：「其實我同屋企人本身係諗住呢段時間去泰國旅行，點知突然之間公司要我上堂，仲要係連續上兩個星期，變咗我哋就取消咗去泰國旅行嘅計劃。（咪逃過一劫？）其實自己都有咁諗過，咁所以係感恩。不過我係有啲屋企人都喺泰國同埋有屋，地震發生咗之後，我哋都有即刻聯絡咗佢哋，佢哋都話屋企外牆，都被地震震到有裂痕。而另外有位親戚都係倒塌嗰座大樓返工，聽媽咪講，佢嗰日好彩冇返工，避過一劫。」