莊子璇父親一度病危 現已康復出院 ：佢好精神

莊子璇（Hilary）昨日（11/4）現身將軍澳電視城出席無綫節目《香港系列之原味道》記者會。身為主持人之一的莊子璇為了今個節目走遍全港尋找真正來自香港或香港製造的本地優質食材，更闖進魚場落魚塘捕魚，過程相當難忘。

莊子璇接受《香港01》訪問時表示：「其實嗰次我係去咗元朗一個魚塘，著好晒啲裝備然後就落魚塘度捉魚，捉到之後就會攞去煮嚟食，但我就覺得好似好殘忍咁。但食咗之後味道係好唔同，係好好食，本身自己係唔鍾意食魚，食過之後對魚改觀咗。」

莊子璇父親早前急病入院險死，經搶救後現已康復出院：「佢兩星期前出咗院，佢而家行得走得仲好精神，不過就唔可以做劇烈運動。而早兩日試過唔見佢喺屋企，擔心佢唔知去咗邊，於是就即刻打電話搵佢，原來佢自己出咗街。而家佢其實都要定時覆診，下星期我就要陪佢去。」