馮盈盈今日（21/5）現身北角出席無綫節目《食好啲》外景拍攝。提到好友麥明詩3月誕下愛兒，正式成為人母，幸福滿載。馮盈盈接受《香港01》訪問時表示：「其實我哋一大班《#後生仔傾吓偈》嘅朋友，都諗緊幾時約埋一齊去探佢，知道佢之前坐緊月，都要時間養好個身體，變咗都唔敢話一個人上去，怕會打擾到佢。所以而家就諗住約晒一大班人先上去。」

被問到是否同麥明詩的關係變得生疏？馮盈盈表示：「始終大家都各有各忙。當然嗰陣時一齊做節目成日開廠，大家係會好多嘢講。但而家佢有佢嘅事業同有佢嘅家庭，加上又要掛住湊小朋友，而我亦要努力工作，大家嘅生活圈子又唔同咗，變咗真係少約出嚟。」