【擊戰】Anson Kong冀MIRROR組樂隊　率先劇透演唱會最大驚喜？

ViuTV全新綜藝節目《擊戰》由李健宏（KB）、MIRROR成員Anson Kong（江𤒹生/AK）、余逸思（Yoshi）擔任主持，出道以來第一次正式擔任主持的AK就在咬字方面下了不少苦功，又指其實MIRROR也可以組成一隊樂隊：「Tiger識打鼓、Ian可以彈琴、Edan拉小提琴、我彈結他、Jer彈Base，又有好多個主唱。（演唱會有機會見到？）好多項目其實都構思當中，始終第一次演唱會已經展示過樂隊模式。」

談起MIRROR將在下月在九展舉行一連三場演唱會，由於疫情關係入座率僅限五成，令不少粉絲擔心無法搶購門票，AK亦十分體貼回應：「最大嘅驚喜可能係加場，可能忽然入座率唔止五成。（有得加場？）我哋都未知住但希望會有。」至於鏡粉皆期望12子會在紅館開演唱會，AK則說：「紅館對所有歌手嚟講都係一個神聖嘅舞台，自問我哋未有足夠嘅能力去Hold住呢個舞台。」