吳千語與「百億富三代」施伯雄結婚後，生活充實豐富，她不僅積極發展直播帶貨事業，第二場直播更創下1.5億人民幣成交紀錄，還不忘挑戰極限旅行。 吳千語在Instagram分享多張照片，先穿厚重冬裝坐橡皮艇遊覽冰川，隨後換上深色連身泳衣，雙手高舉向船上人員揮手，興奮跳入零下冰海暢泳。

跳冰海凍到震

吳千語今日（3/2）現身尖沙咀出席品牌活動，接受《香港01》訪問時表示：「其實跳咗落個冰海，係一個好好嘅體驗嚟，其實嗰一日真係好凍，當時我喺度諗我係咪真係要跳呢？當時諗來到來到，就要體驗吓。當我落完水後，我係諗住游唔返去，最終係可以，所以我覺得係成就解鎖。」

南極之旅過程艱苦

吳千語續說：「其實過程又唔係話好刻苦，不過如果怕暈船浪就會辛苦啲，試過有一晚瞓覺發覺好多嘢都會跌晒落嚟，同埋試過頂唔順要食暈浪藥。不過我都覺值得去。（會唔會體驗多次？）唔會，因為太艱苦，飛咗30個鐘，而我昨日先落機。」