43歲的人妻蔡卓妍（阿Sa）近日傳出疑有喜的消息，成為全城熱議的焦點。阿Sa早前出席公開活動時，被網民捕捉到身形較以往圓潤、臉頰豐滿，且穿著寬鬆的格紋吊帶裙，側面看上去小腹微微隆起。加上她在活動現場走路時步履輕柔、格外小心，種種細節被網民指「孕味濃」，甚至猜測她已有3至4個月身孕。

此外，阿Sa自今年4月官宣婚訊後，外界一直相當關心她的生育計劃。過去她亦曾透露過有雪卵，對生育持順其自然態度，因而這次身形上的變化更讓有喜傳聞迅速發酵。

今日（22/9）與阿Sa一同拍攝新戲的林峯現身品牌活動，問阿Sa是否真的懷有身孕，林峯接受《香港01》訪問時笑言：「唔會啦！其實佢都有講過嘅，點解怪怪地問我嘅？點解啲八卦嘢要我代答呢？其實你哋應該問返佢喎！不過我可以同你哋講，佢喺現場非常精神。」

對於有指阿Sa近日身形似乎有所改變、穿著較為寬鬆顯「孕味」，林峯笑言：「其實佢不嬲都好食得嘅，你哋唔好誤會佢啦，你哋自己問佢啦。（搵唔到佢，靠你！）係咩？會有機會嘅，香港好細㗎啫，可能轉角就撞到佢呢！」