姜濤遭TVB記者會惡搞 稱馮盈盈林盛斌不需道歉:好小事!

撰文:陳芷穎
出版:更新:

無綫日前舉行記招介紹九大新綜藝節目,鄧智堅在活動上帶着金色假髮自稱「薑蓉」,惡搞人氣男團MIRROR成員姜濤,隨即惹來大量「姜糖」不滿。姜濤今日(27/3)現身演唱會記者會時亦有為事件作出回應:「希望大家以輕鬆心情去睇呢件事,都唔係好大件事,Artist都係為咗令人開心,所以我冇任何介意。」

姜濤現身演唱會記者會時亦有為事件作出回應:「希望大家以輕鬆心情去睇呢件事。」(葉志明攝)

身後的MIRROR成員柳應廷(Jer)笑言:「姜濤真係紅,以前我哋都模仿四大天王。」姜濤立即謙虛否認,對於有粉絲湧入馮盈盈等人的社交網留言炮轟,他亦為此激動行為致歉:「希望藉住呢件事令更加多人留意MIRROR,Fans有部分會激動啲,同大家講聲唔好意思。(有冇留意馮盈盈、Bob出Po道歉?)唔需要,好小事,未到要道歉。我都代我Fans同大家講聲唔好意思,打和。」另外,經理人花姐(黃慧君)同樣認為一眾藝人毋須就事件致歉:「其實未去到要道歉嘅,我諗每一個藝人出嚟扮嘢又好,其實都係想娛樂觀眾。」

+3
發表評論...