大步走|童星楊凱博曾因怕醜拒向同學認有上電視︰我話係孿生兄弟

撰文:
最後更新日期:

在無綫劇集《大步走》中飾演黎舜梵(張達倫飾)和Jacqueline(文凱玲飾)之子的楊凱博,演出引起觀眾的留意,連劉穎鏇(Tiffany)都在IG出Po大讚︰「小笙,你真係好man,好可愛啊」 。而其實凱博分分鐘是Tiffany的前輩,因為他只有4歲的時候,已拍過保險公司廣告,令他紅遍網絡,一句「乜嘢叫保險啊?」成為經典金句,加上他表情豐富又得戚,被網民改圖,成為「萬能Key圖」。凱博年紀輕輕就成為網絡紅人,加上拍過不少劇,例如《城寨英雄》、《天命》、《特技人》和《降魔的2.0》等,他透過媽媽回覆《香港01》時大爆小時候曾因害羞,而不向同學仔承認電視中的是他,非常搞笑。

Tiffany都有出Po貼跟凱博的合照。(IG@itstiffanylau)

點擊下圖看《大步走》的劇照︰

+6
+6
+6

拍廣告時只得4歲,現在凱博已經15歲,正在讀中三。他熱愛武術,師承香港著名武術運動員李暉,曾在2014年和2015年的武術比賽中分別奪得全能冠軍及亞軍。講起當年一幕成為「萬能Key圖」被瘋傳,凱博當時其實他跟家人也不知道Cap圖被改圖,是後來才知道,不過當時他年紀尚小,未有太大感覺,「記得嗰陣時媽咪係好輕描淡寫咁同我講,話我幅相俾人改圖,或者當時我仲細,未明。媽咪亦都只係輕輕俾過一兩張改咗圖嘅相我睇,所以我當時真係冇咩特別嘅感覺,亦唔會特別覺得俾人惡搞。」被問到會否覺得被改圖好搞笑,他表示︰「都會㗎。同埋估唔到一句說話『乜嘢係保險呀』,同一張相,可以到依(而)家都有人知有人用,都幾好呀。」

廣告中的一句「乜嘢叫保險啊?」成為經典金句。(網上圖片)

凱博熱愛武術。(IG@nonoyeung)

做童星同時要兼顧學業和拍劇,凱博直言小時候都會有疑問,為什麼放假不可以跟朋友去玩,為什麼除了上學就是拍攝,然後又要做功課,「不過呢啲諗法都係好快閃過,冇令我唔開心,因為初初參與《放學ICU》拍攝(做小主持)係好開心嘅,每次內容唔同,擔當角色唔同,好新鮮好好玩。當時所有人對我都好好,又教我,好開心。跟住入咗劇組開始拍劇,每個角色都唔同,每次都係一個挑戰!都係果句,所有人真係對我好好,無私教我,令我知道其實唔一樣嘅童年得著唔同,我好珍惜。」

凱博現時讀中三,中四想讀理科。(IG@nonoyeung)

做童星會否特別受同學歡迎?凱博笑言︰「佢哋都慣哂啦,哈哈。」小朋友總會覺得好像有明星同學一樣,他說︰「有呀,以前有㗎,依家唔會啦,佢哋真係慣咗。反而隔離啲學校嘅學生知道咗我讀邊間會有人等我返學/放學,lunch去食飯喺街有人見到會揾我影相。」他又大爆曾試過不認電視上的是自己,「我記得細個初時同學佢哋話喺電視見到我,問嗰個係唔係我,我仲唔承認電視入面嗰個係我自己,我話嗰個係我孿生兄弟,因為我尷尬我怕醜,真係好好笑。」

在《降魔的2.0》中,凱博演馬季(馬國明飾)的童年。(網上圖片)

不少童星長大後都會繼續在演藝行業發展,而凱博也希望將來可以做演員,但他已深明未必所有事都可以如想像中一樣發展,假若做不到演員,他也希望在幕後發展。最後,問到他最想跟哪位演員合作,他回覆道︰「張家輝!(哈哈,係咪好大諗頭!)細過睇過佢嘅訪問,原來真實嘅佢係一個好內向,甚至乎唔鍾意講嘢嘅人。但一開機,佢可以做到好搞笑,佢可以跳出自己框框做啲完全唔符合佢自己嘅嘢,呢樣令我好佩服,好想學習!我相信好多其他演員都會係咁,但佢嗰段訪問,俾我好多啟發,我夢想可以同佢合作,係真係好想嗰隻,好想向佢學習。因為我本身自己亦都係一個唔識表達自己嘅人,拍嘢方面跳唔出自己框框,扮唔到cutie,扮唔到可愛。」原來凱博是一個好有想法的人呢!

凱博笑言︰「我唔係讀書人,哈哈。媽媽亦唔係怪獸家長。我記得媽咪同我講態度最緊要,所以我從小都係輕鬆學習。」(IG@nonoyeung)

同場加映︰細數近30年港姐冠軍的下一代 楊婉儀囡囡同佢餅印一樣!

細數近30年港姐冠軍的下一代 楊婉儀囡囡同佢餅印一樣!

+38
+38
+38


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。