羅蘭與胡鴻鈞台上拖手勁溫馨 提疫情眼濕濕:啲獨居老人冇人照顧

撰文:趙允琳
出版:更新:

無綫劇集《愛上我的衰神》今日(25日)在將軍澳電視城舉行拜神儀式,胡鴻鈞、陳嘉慧、羅蘭、鄭子誠、馬貫東及麥美恩等一眾演員均有出席。羅蘭姐在接受訪問時透露自己在劇中經常對孫仔胡鴻鈞又打又鬧,更試過一巴掌打落他身上,不過對方依然一聲不響有苦自己受令她很痛心:「呢個孫仔非常之乖,好好,喺戲裏面仲乖!個阿嫲點鬧點打佢都唔出聲,我覺得咁係唔啱嘅,但個孫唔駁嘴都唔啱,佢又唔解釋喎,咁個阿嫲咪火起囉!」

胡鴻鈞、陳嘉慧、羅蘭、鄭子誠、馬貫東及麥美恩等一眾演員今日(25日)在將軍澳電視城出席劇集《愛上我的衰神》拜神儀式。(葉志明 攝)
羅蘭透露前幾日剛剛拍完劇中一場在家中跌倒離世的場面,不過因為當時與胡鴻鈞沒有對手戲,所以並沒有生離死別的悲痛感受。(葉志明 攝)
羅蘭姐大讚飾演自己孫仔的胡鴻鈞,在台上更緊緊捉住對方的手非常溫馨。(趙允琳 攝)

年屆87的羅蘭姐依然努力拍劇,她笑言自己最近身體並無大礙,提到現時有什麼願望想做時,羅蘭姐卻坦言因疫情關大感憂心:「而家好多人失業,我又知道好多有心人派飯盒,真係有啲人飯盒都冇得食,所以我好希望你哋食嘢嘅時候唔好嘥咗啲食物,食得幾多就叫幾多,唔好食唔晒倒咗佢,雖然香港睇落好好,但其實好多人真係連飯盒都冇啊!」

羅蘭姐已年屆87依然積極拍劇,她笑言自己身體非常健康。(葉志明 攝)

羅蘭姐大為感觸,更講到眼濕濕一度哽咽:「啲獨居老人更加冇人照顧,往日都會一唔舒服就去醫院睇,但而家連啲醫生護士都忙得好緊要,冇時間好好休息!希望整個世界嘅人都身體健康,疫情快啲過去!」

羅蘭姐提起疫情感到很傷心,不禁眼泛淚光。(葉志明 攝)

點擊觀看更多活動上的精彩照片:

+16