嫌疑事件簿|George@P1X3L學師兄ERROR明串TVB:佢哋鍾意自我安慰

撰文:葉詩
出版:更新:

ViuTV全新LARP(Live Action Role Playing)節目《嫌疑事件簿》將於下周一(14日)首播,周二(8日)迎來記者會,P1X3L成員George(歐鎮灝)、小薯茄成員麗英自言相當有默契皆因二人在節目中有6世姻緣,George表示自己是小薯茄粉絲,更笑指迷戀麗英至要「以相解渴」,麗英又大讚這個拍檔不錯:「我平時都瘋瘋癲癲,有時爆咗啲癲嘢佢都接得住,又好大方。」二人又大爆黃溢濠勝負慾強,與談善言有很多衝突,黃溢濠就不認同,解釋大家拍攝期間都很投入:「好緊張節目效果,所以就有啲郁下手,叫承接咗《打天下》嘅角色再切磋下。」

(左起)P1X3L成員George(歐鎮灝)、小薯茄成員麗英、黃溢濠在《嫌疑事件簿》中相當有默契。(梁碧玲攝)

《嫌疑事件簿》2月Casting、3月開拍,黃溢濠又透露節目最有趣的地方是無論結局如何都會有揭後故:「雖然佢被拘捕,但之後嘅生活會如何,呢個故仔都幾得意,6個角色每個都有機會被拘捕,基本上就要有6個結局。」George大讚劇組花了不少心思:「仲有角色背景、其實設計嗰個要諗時間線、好多細節,創意性好高!」

+16

提起無綫(TVB)於同時間都會推出同類型的劇本殺節目《死因有可疑》,問起會否擔心有比較,George就發揮敢言本色指:「冇比較冇傷害,始終我哋嘅觀眾層唔同,佢哋好鍾意自我安慰,係咪都話自己收視八十幾點、八百幾萬人睇,呢啲鬥唔過就唔好硬撼喇。」黃溢濠打圓場說:「就算係同形式嘅節目,出到嚟效果應該都唔一樣,始終班底、拍攝方式都唔一樣。」麗英總結道:「各有各特色。」

點擊圖輯睇George靚仔相:

+4
發表評論...