嫌疑事件簿|張建聲讚製作接軌韓綜《RM》 談善言:班底夠大膽!

撰文:葉詩
出版:更新:

ViuTV全新LARP(Live Action Role Playing)節目《嫌疑事件簿》將於下周一(14日)首播,周二(8日)迎來記者會,張建聲與談善言的本業均是演員,較少接觸綜藝,阿談坦言在接拍時也有過擔心:「我冇拍過綜藝,所以成日都好難拿捏要玩到幾盡,我都睇到ViuTV嘅真人騷全部都去到好盡、自己都比較放心,加上幕前本身都識就可以玩得好開!」張建聲指大家之間的化學作用可謂火花四濺:「非常之好玩!遊戲之餘亦都係實時冇得Cut,我哋搵到證據要衝,連帶攝影師都一齊衝,幕後剪完都話係開心好睇、想追落去我哋已經好心滿意足。」

張建聲與談善言的本業均是演員,較少接觸綜藝。(梁碧玲攝)

談起《嫌疑事件簿》的節目型式與韓國的《犯罪現場》(Crime Scene)類近,張建聲就指:「呢種遊戲好似80年代已經有,我唔太清楚韓國嗰套,但如果喺香港係第一次,所以玩第一集嘅時候我哋都摸索緊要好戲劇定綜藝,之後已經放低。」他又大讚節目組對故事鋪排的仔細:「每個本都要按角色重新寫一次,呢樣係好花心力!」阿談續言:「A同B睇同一件角度都可以好唔一樣,最勁係創作人員喺現場Mon住我哋點樣玩,按住我哋嘅結局走勢即時寫結局,大家都估唔到個走向係點發展。」

+3

張建聲早前接受訪問時曾指節目中每人一部機跟拍,與《Running Man》的拍法相似,「《Running Man》我由細睇到大,所以成日都諗如果有個PD跟拍會點,今次實現咗好開心,但過程好好笑,我而家又肥、攝影師都頗肥,跑條樓梯兩個都互相氣喘,都同個『Shadow』建立咗感情!」問起會否覺得近年電視節目製作水平漸跟世界接軌,阿談認同道:「大家開始有唔同諗法,ViuTV接受程度好高,令創作班底可以諗到啲好創新、大膽、刺激到觀眾嘅節目,有新嘅內容拉返大家去睇電視係好好。」張建聲續指:「我哋作為藝人本身都想件事好玩、投入感夠,出到嚟先會到效果,我Respect今次嘅創作!」

發表評論...