黃翠如發文被網民「圍插」 洪永城︰每個人嘅角度可以有好多延伸

撰文:李婉文
出版:更新:

藝人洪永城(Tony)於周日(13日)出席「甲蟲傳奇車迷會」成立記者會,剛宣布向女友梁諾妍(Inez)求婚成功的Tony,全程笑到「見牙唔見眼」,盡見喜悅之情。Inez早前出po大爆Tony在廁所求婚,場面搞笑,Tony在接受《香港01》記者訪問時,他自言被人稱做「屎橋」,他就:「就係覺得好適合啊,個位置,花擺喺度啊,啲心心啊,啲光啊,咁佢一開門咪見到,戒指擺喺度,純粹係咁簡單,冇大家諗到咁得意咁複雜。(難忘啲?)冇錯啦!其實我作為佢未婚夫嘅職責就希望帶歡樂畀佢嘅,你諗吓,幾多歡樂!同朋友幾多話題可以講,所以就最緊要開心同難忘,咁我相信呢件事係好難忘,但係我就keep住俾朋友笑,你咁直線思考嘅。」

Tony表示求婚的時候,他和Inez都有感動到哭。(梁碧玲攝)

Tony更即時向Inez發表愛的宣言,「我哋呢段時間,唔淨只我哋啦,全香港都經歷好多嘢啦,所以就患難見真情,我覺得喺呢段時間,大家都覺得非常之適合,所以佢係『the one』嚟,雖然我好早都覺得佢係『the one』。」Inez的IG帖文透露求婚之夜是發生在二月,至今已過幾個月,Tony指是因為要等社會氣氛等各方面適合才公布,而身邊有些朋友就一早知道了喜訊。有關婚禮的詳情,他就表示未開始籌備,希望可以在今年內舉行,但由於限聚令的關係,未可以邀請到太多朋友,相信會在下午舉行一個儀式,簡簡單單。Tony在二月求婚成功,到現在才宣布,令人聯想會否已經「造人成功」,他答道︰「其實都係朝住呢個方向嘅,有一個家庭係好開心,我係期待呢件事出現。(未有BB?)我期待呢件事出現。」

Inez和Tony甜蜜宣布婚訊。(IG@inez_leong)

點擊圖輯睇洪永城&梁諾妍鬼馬婚照:

+1

另外,早前黃翠如在Tony和Inez公布婚訊後馬上在網上發長文送上祝福,親暱地以「笨城」稱呼對方,言語間透露與好友多年來相處的點滴,不過這篇祝福竟引起爭議,翠如慘被網民罵,更有網民留言直指他們擺明「友達以上,戀人未滿」,應顧慮另一半感受。Tony回應事件時表示︰「如果你問我,其實一段文章每個人嘅角度,或者評論、討論,佢哋嘅立場,可以有好多延伸嘅,但係其實我同翠如好多年嘅朋友,十幾年啦,我同阿蕭(蕭正楠)、Inez,大家都好friend,呢啲係一啲好好嘅朋友嘅祝福說話,咁先會講,我自己(覺得)無論你個討論伸延去邊都好,至少我同Inez本人覺得冇乜事,覺得好好笑喎,多謝你喎,祝賀都幾畀心機去寫喎,就係咁多囉!(Inez冇嬲?)冇啊,完全冇啊!」

黃翠如祝福「大笨」洪永城訂婚:他很會照顧人,就是對我特別差黃翠如祝福文慘遭罵「綠茶婊」又不顧老公感受 蕭正楠霸氣護妻梁諾妍懶理黃翠如「接收酸言」 公開洪永城求婚細節:急到瀨啦!

Tony出席活動時心情不錯,講起未婚妻就「甜到漏」!(梁碧玲攝)

被問到Tony有沒有跟阿蕭和翠如討論一下這件事,他直認有互相發訊息,他說︰「有message過吓囉,原來有好多人有咁嘅睇法㗎喎,但係的確我同翠如都咁多年朋友,所以OK啦,冇乜嘢。(之後會唔會避忌?)又唔會喎,都唔知避忌啲咩啦!避忌啲咩啊?(唔再出呢啲po?)未諗到呢個層面,咁都真係好friend啊嘛,都唔知點樣去避忌啦。」

+5

睇埋準洪太靚相:

+30

同場加映︰香港小姐2021.多圖|KOL都參賽 激似「天王嫂」方媛勁有冠軍相

香港小姐2021.多圖|KOL都參賽 激似「天王嫂」方媛勁有冠軍相
+58
發表評論...