黃翠如出Po祝賀洪永城被指「做多咗」 梁諾妍:睇完佢篇文好感動

撰文:陳芷穎
出版:更新:
梁諾妍(Inez)、陳嘉恒和余曉彤今日(16/6)登上遊艇拍攝新節目《碧波遊浪記》,三位穿上泳衣現身活動大曬Fit爆身形。(劉傳謙攝)

梁諾妍(Inez)、陳嘉恒和余曉彤今日(16/6)登上遊艇拍攝新節目《碧波遊浪記》,三位穿上泳衣現身活動大曬Fit爆身形。熱愛戶外運動的Inez接受《香港01》訪問時指是次拍攝令她認識更多香港的美景:「以前未有疫情時,大家唔會特別留意香港嘅海洋。到冇得飛嘅時候就發覺香港有好多好靚嘅地方,不如留喺度留意下香港嘅靚景,都好開心。」

Inez即將與洪永城(Tony)拉埋天窗,她重提求婚情況時依然顯得非常雀躍。(劉傳謙攝)

Inez即將與洪永城(Tony)拉埋天窗,她重提求婚情況時依然顯得非常雀躍:「好深刻,因為好急,我連一刻放鬆都唔得嗰隻急。突然間攪肚痛,我喺廳入去洗手間,佢無端端跟住我,仲皺眉頭唔知發生咩事,一開門先知佢擺咗飾物,成個畫面好好笑但好感動。」Inez和Tony同樣喜歡小朋友,Inez笑言:「我哋好鍾意小朋友,一直計劃緊。幾多個就有得生就生,希望兩個或以上。」

早前好友黃翠如出Po祝賀一對新人反被網民指「做多咗」,Inez亦有回應事件並說翠如的帖文令她十分感動。(劉傳謙攝)

早前好友黃翠如出Po祝賀一對新人反被網民指「做多咗」,Inez亦有回應事件並說翠如的帖文令她十分感動:「睇完好感動,翠如、阿蕭、我同Tony四個都好Friend,佢講嗰啲都係平時笑緊佢嗰啲,所以我睇完覺得窩心,Feel到翠如好祝福我哋。佢比大家早一步知,佢自己用電話好開心祝福咗我哋,我覺得大家諗多咗嘅。(網民都驚你唔開心?)翠如講佢啲壞習慣我哋都會笑佢,亦都好開心因為我哋嘅關係佢改變咗好多,如果佢唔改我就唔會嫁佢。生活上嘅細事,例如食完嘢放洗手盆要用水浸住會易啲洗,呢啲就係佢一個人生活時冇留意。」

發表評論...