寶寶大過天|朱斐斐收起性感演印傭 嘆收入大減:有工開先有糧出

撰文:董欣琪
出版:更新:

TVB劇集《寶寶大過天》劇情講到悠悠(岑麗香飾)媽咪Diana(龔慈恩飾)特別請了一名印傭Siti(朱斐斐飾)幫手,讓悠悠可以重返職場,更藉助Siti時刻監視歡姐(商天娥飾)的一舉一動。飾演Siti的朱斐斐在接受《香港01》訪問時笑言今次不但造型上有突破,她在事前更做足準備:「特登化黑咗,我同馬明用同一隻色粉底。我都用咗兩個月時間去學印尼姐姐講廣東話嘅口音,我做Gym嗰度都有請啲印尼籍姐姐,我就攞住份劇本問,之後錄低佢哋點講,返屋企不斷聽。」

飾演Siti的朱斐斐特登化黑膚色,更花了不少時間練習口音。(YouTube影片截圖)

重溫精彩劇情:

+17

其實過往有不少藝人都曾在劇集中飾演外傭姐姐,包括在《歡樂今宵》中飾演Maria的江欣燕及在《愛·回家之開心速遞》中演Liza的姜麗文,斐斐都有從中參考:「佢哋兩個都做得好似,特別係姜麗文啲口音學得好真,我都有睇佢嘅演出偷下師。」斐斐自藝員訓練班畢業後,曾參演過不少劇集,但大多都是客串性質,今次終於有一個貫穿全劇的角色:「監製第一時間諗起我,畀我嘗試Siti呢個角色。以前一路做人哋個妹或者學生妹,今次算係一個另類嘅挑戰,亦係第一次演搞笑劇,初初都驚自己冇乜搞笑天分,不過香香、馬明、娥姐都有一手,喺呢個環境下自然都跟到佢哋嘅節奏。」

斐斐演過不少學生妹角色,今次就挑戰演印傭。(IG@ffcfei)

現年29歲的斐斐入行九年,一直未有機會上位,令她情緒出現問題,患上憂鬱症同暴食症,她更曾表示被親戚朋友問起都講不出代表作,一度想轉行,不過近年終於有轉機。去年斐斐在劇集《迷網》中性感上陣色誘鍾志光一幕相當搶鏡,今次在《寶》中再靠印傭Siti一角成功彈出:「呢幾年嘅角色開始好咗,好似上次《迷網》咁,都好開心有呢個角色,今次就好密實㗎,完全冇性感,畀大家見下我另外一面,我終於可以同大家講做過邊啲戲!」

斐斐曾在劇集《迷網》中低胸上陣色誘鍾志光。(YouTube影片截圖)
+36

除了做演員之外,斐斐還有兼職做健身教練,去年更投資開網店,賣健康食品及時裝,不過生意因疫情關係難免受影響:「呢兩年係比較難過啲,之前市道好啲,大家都疏爽啲會請下教練,同埋拍嘢都少咗,以前出邊都接到啲廣告仔。(網店生意如何?)之前都啱啱回到本囉,但啲貨源韓國嚟嘅成本有啲高,等我搵到個好少少嘅供應商應該都會Keep住做落去嘅,你知公司有工開先有糧出㗎嘛,所以都要搵下外快幫補下!」

斐斐曾因為情緒問題暴飲暴食,暴肥40磅,幸好之後一邊接受心理醫生治療,一邊靠健身釋放壓力,成功康復。(IG@ffcfei)
+46
你可能感興趣