寶寶大過天|張頴康獲讚好老公 高調向麥雅緻示愛:一輩子嘅愛人

撰文:董欣琪
出版:更新:

TVB劇集《寶寶大過天》中除了悠悠(岑麗香飾)同阿山(馬國明飾)一家因為長輩的教育理念不同而產生矛盾之外,悠悠表姐葉帆(陳自瑤飾)同老公阿淙(張頴康飾)就一直受生仔一事困擾,阿淙媽媽(潘芳芳飾)不斷逼葉帆生仔,但兩人結婚多年都無所出,劇情講到葉帆被診斷為不育,阿淙媽媽怪責她,不過阿淙就霸氣護妻,令葉帆非常感動!

葉帆(陳自瑤飾)同老公阿淙(張頴康飾)一直受生仔一事困擾。(電視截圖)
阿淙不願老婆受苦。(YouTube影片截圖)

雖然葉帆同阿淙一直為生B而努力,但始終未能成功懷孕,醫生建議可以嘗試人工受孕或者做試管嬰兒,但阿淙不願老婆受苦,更出言頂撞媽媽:「我娶阿帆返嚟係要佢幸福,唔係要佢捱苦㗎,更何況阿媽你都係女人嚟㗎,你可唔可以唔好做咗奶奶之後,就係咁為難另一個女人呀?」這番說話不但令葉帆大受感動,不少觀眾都大讚阿淙是好老公!

霸氣護妻!(YouTube影片截圖)

重溫霸氣護妻:

+63

其實張頴康在現實中同樣是一位絕世好老公,他與麥雅緻(Angie)因為工作而認識,兩人拍拖四年後,在2012年結婚,婚後先後誕下囡囡小豆及囝囝小花生,更即將迎來第三胎,變成一家五口。兩人經常在社交平台公開放閃,張頴康曾在相識14周年紀念日時發文回憶第一次約會的細節,又會在每年的結婚紀念日高調示愛,他曾寫道:「多謝老婆8年前奮不顧身咁嫁咗俾我,仲幫我生咗兩個咁聽話嘅小朋友!老婆,我愛你!」與Angie相識至今的點滴他都牢記心中,更直言:「如果畀我再揀多次,我一樣會決定娶你做我老婆!我愛你!」而「我愛你」更是張頴康時時掛在嘴邊的三個字,毫不吝嗇地向Angie表達愛意,羡煞旁人!

+7

張頴康是圈中出名的愛妻號,但經歷父母離異的他曾對婚姻失去信心,直至Angie的出現讓他改變看法,有信心與太太攜手建立幸福家庭:「我可以做到顧家嘅人,並唔係因為我天生就係個咁嘅人!而係有一個女人能夠畀到一個男人想顧家嘅心,先至係最重要!老婆,多謝你成就咗我做一個咁嘅男人!」作為演員,張頴康不時需要拍攝親熱戲份,但Angie毫不介意,支持老公,而張頴康亦非常識做,每次拍完錫錫戲都會即刻返屋企沖乾淨涼,錫錫返個老婆!

每次拍完錫錫戲,都係即刻返屋企沖乾淨涼,錫錫返個老婆先!(IG@cheungwinghong)

張頴康的收入一向交由老婆管理,他曾透露自己每天僅有一百港元作零用錢,點知卻引來網民紛紛指責Angie苛刻,張頴康事後發文為對方平反:「就算我搵幾多錢畀家用,都彌補唔到佢為咗個家嘅付出!如果冇我老婆一直以嚟管理我嘅生活,唔好話100(元)零用錢,我諗我而家一定仙都唔仙吓!」早前Angie生日,張頴康在IG Post出多張合照,並寫道:「同往年一樣,我只係想我老婆身體健康,每一日都過得開開心心!」雖然只是簡簡單單的願望,但都可見兩公婆之間的甜蜜同幸福!

兩公婆好恩愛,張頴康更指Angie係一輩子嘅愛人!(IG@cheungwinghong)
+54
你可能感興趣