陳約臨訪問張家朗示愛遭網民炮轟 薛家燕：作為警剔教訓多啲學習
撰文：吳子生
出版：更新：
薛家燕相信陳約臨得到今次教訓會學習成長。（葉兆康攝）
薛家燕今日（27/7）現身沙田出席《瞧潮香港60+》展覽開幕。提到昨日無綫女記者陳約臨在採訪張家朗在東京奧運男子花劍個人賽勇奪冠軍時，瘋狂打斷張家朗講奪金感受，更不停在鏡頭前向對方表白「我好鍾意你」及呈上飛吻。有網民對女方言行感到憤怒，並在其社交平台洗版式批評，有人直斥她有失記者身份行為丟架。
家燕今日現身沙田出席《瞧潮香港60+》展覽開幕。（葉兆康攝）
家燕姐就此接受《香港01》時表示：「採訪嘅同事可能太過興奮，又或者採訪經驗唔夠。不過唔緊要嘅，唔好嘅批評，咪多於學習囉，我諗下次佢都唔會嘅。（可能冇下一次！）哈哈！咁機會大家應該畀吓佢嘅，人誰無錯呢！（佢嘅刪除晒人哋批評佢嘅留言！）咁呀⋯⋯我都唔知好無奈，好可惜。不過唔緊要嘅，呢個作為警剔教訓多啲學習，每一個人都有佢嘅成長階段。」