譚詠麟提前慶祝71歲生日　獲契仔關楚耀送靚清酒心情大靚

8月23日是譚詠麟（校長）71歲生日，鍾意熱鬧的他每年都會相約一班老友食飯慶祝，雖然未到生日正日，但日前他已經提前同契仔關楚耀及好友關維麟慶祝，他在社交平台Post出一系列慶生照，並寫道：「契仔關楚耀和他爸爸關維麟（我全盛時期的大部份金曲唱片監制）為我慶祝生日，帶來兩枝極尚品的清酒。」相中穿上白色運動服的校長精神奕奕，心情大靚！

關維麟是80年代著名唱片監製，校長在高峰期推出的專輯幾乎都是由他擔任監製，兩人合作無間，校長更收了關楚耀（Kelvin）做契仔。當年Kelvin一出道就成為新人王，曾推出不少耳熟能詳的經典歌，更被校長欽點為接班人。可惜他在2009年被爆與當時的女友衛詩在日本因藏有大麻而被捕後，形象插水。早前Kelvin上載了一段自己在內地大排檔獻唱的影片，結果引來不少網民留言問他是否「撈唔掂」，但亦有網民大讚他夠貼地，而Kelvin就指自己喜歡唱歌，不管任何人。