代溝關注組丨「四大長老」矛盾對決 鼎爺自爆曾被索100圍酒席錢
撰文：張國基
出版：更新：
無綫綜藝節目《代溝關注組》昨晚（16日）一集兩邊年齡總和分別是201VS150，相差只得51歲，探討家中「四大長老」。後生仔代表之一楊潮凱表示會叫外父外母做爸爸媽媽，肥媽即刻黑面鬧冇嚟規矩，不喜歡阿仔在自己面前叫外母做「媽咪」。
肥媽聽到楊潮凱叫外母做「媽咪」，即刻黑面。（影片截圖）
講到結婚要俾禮金，李家鼎（鼎爺）自爆了一段個人經歷：「件事曾經發生喺我身上，被要求擺100圍酒席嘅禮金，但女家最後只係得10位，90位錢係自己袋，仲要加禮金！」後生仔陳詩欣亦聽過一單故事：「嗰家人要求男仔俾50萬禮金加禮物，雖然有俾，但講明呢一世都唔會再同枱食飯。」
鼎爺又自爆經歷，試過被女家索取100圍酒席，但女家只得10圍。（影片截圖）
肥媽（Maria cordero）為抱孫，又出招吸引新抱生仔，肥媽話：「同佢講生就得，我負責任！幫你買套票減肥，會幫你湊，讀書使費嗰啲照單全收。」令陳詩欣、蔡嘉欣𦧲飯應：「我生呀！」
同場加映：多圖｜TVB小花比堅尼曬太陽 胡美貽太正連鄧伊婷都忍唔住出手
+6