蔣家旻視劉佩玥為獎項「勁敵」 望譚俊彥黃智雯斬獲視帝視后

撰文:朱奕錦
出版:更新:

蔣家旻(Angel)今日(26日)以一身黑色印花連身裙同半丸子頭出席LULU ChEUNG新店開幕儀式,平時工作忙碌的她,很多時候都會通過社交媒體關注時尚:「因為我比較鍾意日本人嘅打扮,我覺得佢哋有陣時簡約得嚟係好識得去襯衫,或者喺顏色配搭方面都比較叻啲,所以我就會關注佢哋多啲。」

Angel今日打扮簡單自然。(葉兆康攝)

適逢每年的BLACK FRIDAY,各大電商、品牌等都有促銷活動,Angel也忍不住花了四位數購物:「收到email瘋狂撳去睇,因為我自己呢排都有啲秋冬嘢想買,咁見到突然減價又咁抵,所以其實我都係趁呢一段時間係咁網上面shopping。」

Angel透露今次買了香薰、秋冬衫、首飾,笑言四位數字已經係平咗,要趁優惠的時候入定多啲先。(葉兆康攝)

今次Angel參演的《欺詐劇團》同《換命真相》有份提名六個獎項,當中包括「最佳女主角」,不過她笑言對攞視后無信心:「我已經好開心好感恩自己有一套短篇劇集可以做女主角,有份提名已經好開心,但我知道女主角五強一定唔係我嘅,所以我覺得有份提名已經係攞咗獎,希望自己嚟緊繼續努力,同埋有機會再做女主角。」而對於「最佳女配角」、「最受歡迎電視女角色」,Angel就更有把握:「我希望呢兩個提名都可以入到五強,咁我已經好開心,攞獎呢啲係睇天時地利人和,因為今年係我第二年參加呢個盛事,又有提名,所以我個投入感比較高啲,落力啲去拉票。」競爭對手方面,Angel就試劉佩玥為「勁敵」:「我覺得每一個人都有畀心機,有資格入五強,我諗勁敵可能係阿Moon,因為佢今年都好出色,拍嘅劇集都有好嘅feedback,但我哋係良性競爭對手,自己私底下都祝佢攞到女配角或者女飛躍。」

Angel笑言尋日返到屋企睇提名名單,覺得自己好似tip緊啲馬,特別認真去做功課。(葉兆康攝)

雖然Angel對自己拎視后無信心,但就希望譚俊彥同黃智雯可以斬獲視帝視后:「視帝我一定要投票畀阿Shaun,因為佢做我阿哥,咁我知道今年男主角競爭都好大,不過我自己就偏心於佢,所以我希望佢入到五強同埋可以攞到視帝,我自己有投畀佢。女主角方面,今年競爭又係好大,不過因為Mandy同我係同屆訓練班,咁每一次都係同個獎擦身而過,我希望今年佢有機會攞到獎。」

Angel望Shaun同Mandy拎視帝視后。(葉兆康攝)