鐵拳英雄｜唐詩詠怒踢李嘉重要部位險搞出人命：佢真係可以縮陽
撰文：吳子生
出版：更新：
唐詩詠（Natalie）今日（24/1）現身現視城出席無綫熱播劇集《鐵拳英雄》宣傳造勢活動。提到在劇中有一幕要踢向飾演四大殺手彭拜的李嘉的重要部位，但最後出街時已被剪走，令擁有「吊陰功」真功夫的李嘉大感可惜。Natalie表示：「其實嗰場戲，確實之前佢說服咗我好耐，叫我放心咁全力踢落去佢嗰度，但我真係有好大心理壓力會好驚會踢親佢，始終佢嗰個位係好緊要。佢會就俾咗個好大信心我，於是我就好大力咁踢落去。」
被真踢都面不改容！（影片截圖）
詩詠續說：「確實係幾刺激嘅，多謝你提醒返我。不過踢落去嘅時候，我又真係感覺唔到有任何嘢，但相反我只係感覺踢到骨。而我真係估唔到佢真係可以縮陽，真係好驚人。而好多人見我踢完之後，都問我感覺係點？而我就同佢哋講，我係感覺唔到嗰樣嘢。咁所以我真係冇諗過原來有呢個絕世神功。」
唐詩詠今日現身現視城出席無綫熱播劇集《鐵拳英雄》宣傳造勢活動。（梁碧玲攝）