鐵拳英雄|四大犯駁位超現實 一支銀針控制人腦堪稱未來科技

撰文:林迅景
出版:更新:

無綫(TVB)劇集《鐵拳英雄》明晚就是大結局,主角各人去向以及終極反派路向東(吳家樂飾)的下場亦會在這一集揭曉。雖則說劇情高潮不斷,令人睇到拍晒手半掌,但劇情愈靠後面就愈多「犯駁位」,就以昨晚(17/02)第27集為例,就有諸多不合常理,甚至近乎於奇幻小說才會出現的情節。

如果支針係超高科技產物,Elon Musk一定好有興趣。(《鐵拳英雄》截圖)

一支針可以控制人 科技勁過Elon Musk

劇情講錢芊芊(唐詩詠飾)之所以突然身懷武功,原來因為她自小受到路向東(吳家樂飾)訓練,後來才被派到唐仁街。當路向東需要錢芊芊替其殺人時,路向東就會用一根銀針刺入錢芊芊的頸部催眠她,而且錢芊芊動手時會進入「狂暴」狀態,功力大增,事後亦會完全記不起殺人時的記憶。問題是,到底這一根針是超高科技產物?還是某個穴位有特別功效?認真睇,其實錢芊芊被刺中的位置大有可能只是淋巴腺(扶突、天窗、天鼎穴)附近。即在現實生活中,吳家樂最多只可能幫唐詩詠通一通便,或者消一消胃氣,並不可能催眠到她。

刺個腦都仲make sense少少,刺條頸可以催眠真係唔知點解釋。(《鐵拳英雄》截圖)
成日着嗰件衫冇理由認唔到掛?估吓都知啦。(《鐵拳英雄》截圖)

劇中人物個個都有「臉盲症」?

睇慣美國Superman(超人)或者超級英雄片都知道,當超級英雄戴住幅眼鏡或者面罩時,無論是路人甲或者同事或者敵人甚至是每日都見的親人朋友,一律都不會認出那個超級英雄的真正身份。昨晚一集講到路見雪(王君馨飾)潛入醫院救人時遇到同一集團(路向東暗殺集團)派到的四大高手時,他們的第一句竟然是「你係邊個?」直到交手過幾招後,這幾位高手依然認不出路見雪。就算認不出,交手過幾招後,總該知道對方是什麼門派吧。四大高手唔會咁流掛?

四大高手唔會咁流掛?(《鐵拳英雄》截圖)
內力驚人。(《鐵拳英雄》截圖)
這個做法是錯的。(《鐵拳英雄》截圖)

金福妹死過返生即刻「識行識走」

最後一點,這個是常識,也是超過半數TVB劇集常犯的錯誤。第一點,上圖的心肺復蘇按壓方法是錯的,應該用一隻手指交錯包住另一隻手,在心臟以上即約肋骨和胸骨相接處下壓。劇中醫生個做法,好明顯係唔想救金福妹(姚子羚飾)!反而連棘(陳山聰飾)將左手放在金福妹的胸上的位置就較為靠近正確位置,不過手槌幾下是不是有效就十分成疑,而且金福妹被救醒後,又竟然可以行得走得兼打得,實在讓人嘖嘖稱奇!

還有,早些集數中,當步青雲(陳展鵬飾)昏迷時,錢芊芊(唐詩詠飾)用家用濕電當心臟起搏器使用,又竟然可以救醒步青雲。習武之人的身體構造真係異於常人?

又真係救到。(《鐵拳英雄》截圖)
純粹係畫面上好睇啲。(《鐵拳英雄》截圖)

每逢打戲必着黑色低胸緊身衫

不知道大家又有沒有發現,劇中三位女主角唐詩詠、王君馨和姚子羚每逢打鬥或者有殺人任務時,就算是日光日白,在唐仁街的大街小巷也好,都必定會着上一身特製的黑色低胸緊身衫。夜晚穿黑衣暗殺能夠理解,但在白天街坊面前着上這身裝扮真的正常嗎?而且點解又要一定要低胸呢?

着到咁厚唔熱咩?(《鐵拳英雄》截圖)

編審葉天成接受《香港01》訪問時,說:「冇咩特別原因,有少少似係佢哋嘅戰衣,同埋當年啲戲一樣,出去打就會着返套戰衣,一來好睇啲。呢個係監製設計嚟,二來表示(話畀觀眾知)佢哋去做嘢去戰鬥。個感覺係有啲抽離,純粹係畫面上好睇。即係等於以前黑玫瑰,蕭芳芳、陳寶珠或者女黑俠木蘭花咁,出任務唔想俾人知身份,不過我哋就演變得靚啲咁解。」