金宵大廈2|陳山聰人氣急升頻曝光:真係因為套劇開始有番啲工作

撰文:蘇國豪
出版:更新:

無線(TVB)劇集《金宵大廈2》大受歡迎,口碑高企掀起一陣追劇潮,而今日(8日)劇集就在電視城舉行宣傳活動,一眾主要演員都有出席向大家分享拍攝心得。而在播出的最新一集中,Maurice(陳山聰飾)就經過相機店發現自己與一名女子的合照,引起大家對該女子身份的好奇心,在接受訪問的時候陳山聰就大賣關子。

《金宵大廈2》舉行宣傳活動。(葉志明攝)

相中人的確存在

在播出的最新一集中,陳山聰經過相機店發現自己與一名女子的照片,令到他相當驚嚇,不過照片中的女子樣貌模糊,令大家相當好奇。針對大家的好奇心,就追問陳山聰,他就表示:「嗰張相就見到Maurice同黑色長頭髮女仔,咁大家真係要估下,真心呢個小三係有,唔係虛幻嚟嘅,係會出現嘅。但究竟係李施嬅還是有其他人呢,大家睇就知。」

陳山聰表示相中人不是虛幻。(葉志明攝﹑微博圖片)

張彥博又是「Final Boss」?

另外,講到現時有好多網友猜測相機店店主張彥博可能又是「Final Boss」,陳山聰則表示:「嗱,嗰名叫做阿Lam,究竟呢個阿Lam真係《金宵大廈1》嘅林哥仔定係還是另外一個嘅佢呢?佢同靚寶又有啲咩關聯,點解佢執咗部相機之後會交畀我呢?一定係有啲原因,佢尋日講得好清楚,個相機入面有一筒菲林,其實嗰筒菲林又係另一個牽涉嚟,因為個筒菲林入面大家見到林哥仔喺黑房曬相,其實大家開始都見到啲單元喺嗰啲相出現。」如此一說,張彥博雖不是單元主角,而是貫穿整部劇集,看來他似乎不簡單,讓觀眾又有想像空間。

陳山聰表示張彥博在劇中是一個好重要的角色。(葉志明攝)

因為《金宵大廈2》開始有工作

因為《金宵大廈2》受歡迎,眼見陳山聰人氣高漲,被問到有沒有因此增加工作同收入,他就表示:「首先收入就未多到,因為啱啱播咗一個禮拜啫。好感恩啦,因為坐咗喺屋企四個月都冇乜工作,咁真係因為《金宵大廈2》開始有番啲工作,咁好多宣傳,亦好多謝所有嘅金宵迷咁鍾意《金宵2》。咁我覺得首先唔好講我嘅工作量,但對我嚟講所有金宵迷,我見到嘅留言或者大家對我哋嘅喜愛,呢樣嘢對我哋嚟講係最好嘅禮物,最佳嘅報答方法。」

陳山聰人氣急升。(葉志明攝)
+2
你可能感興趣