金剛試過月賺50萬請幾千蚊宵夜 自認蠢:食完啲Friend唔知去晒邊

撰文:邱愛霖
出版:更新:

現年41歲的台灣藝人金剛(李信樵)於2020年8月與台灣藝人黃瑜嫻(小嫻)今年宣布分手,後來在台灣綜藝節目《小姐不熙娣》中大爆曾經戴綠帽,令人質疑偷食的是否剛分手的小嫻。

金剛自爆被出軌經過。(YouTube截圖)

飽受情傷的金剛近日重返TVB拍劇,又北上廣東發展,41歲之齡重新出發。日前金剛與內地網紅王若龍(Terence)拍片,被問到全盛時期試過賺50萬一個月,金剛憶述當年近乎以土豪式使錢方式:「請朋友食宵夜,幾千蚊宵夜都Ok,唔會痛囉!」金剛回想起自認好蠢,跌落低谷後更嘗盡人情冷暖,「食晒啲宵夜之後,啲Friend都唔知去晒邊啦!」

直至2017年,金剛已離家10年,正好與TVB完約,他便回台灣陪家人,「我妹兩個仔女都大個咗啦喎,佢哋童年冇我嘅存在。」返台初期,金剛要靠「食老本」過活,他說:「以前買好貴嗰啲衫全部都賣晒。」

疫情來襲後,金剛放下藝人身段,偕前女友小嫻在墾丁擺攤賣雞翼維生。經歷過高山低谷,金剛上了一課:「當你喺最高嘅時候所有人都話你好,乜都好,就算放嘅屁係臭嘅,人哋都話你香嘅。」沉澱了兩年後,金剛學識知足,「至少而家唔會買名牌,生活愈簡單愈好。」

主持金剛與台灣女友小嫻擺攤賣雞翼。(節目截圖)

談到私人生活,金剛前女友位位樣靚身材正,被問是否對身材火辣女性情有獨鍾,金剛笑言:「少少啦,因為我隻手好大呀嘛!」一向給人浪子感覺的金剛原來想結婚生仔,曾訂下25歲結婚的目標,後來推遲到28歲、35歲,可惜仍未尋覓到終生伴侶,他感慨說道:「希望呢一日可以快啲到啦!」

此時主持調侃,有興趣粉絲可立即私訊金剛,金剛聽後大笑道:「嗱,有一句嘢說得好,你唔可以掂自己粉絲,其他人粉絲可以㗎!」最後金剛透露,回台北過年後,便會長居廣州發展。

金剛位位前度都身材火辣。(小紅書圖片)

點擊下圖觀睇金剛歷任女友或緋聞女友靚相:

+33