朱晨麗自爆遭「新歡」暴力對待致滿身傷:隻手好多傷痕

撰文:吳子生
出版:更新:

朱晨麗(朱朱)今日(29/12)現身鰂魚涌室內攀石場為無綫熱播劇集《輕·功》宣傳造勢,並即場接受挑戰「攀石過三關」任務。主持人一聲令下,朱朱憑一招「輕功」跳躍,再施展三扒兩撥功夫,便秒速抵達峰頂搶分成功,令人贊嘆不已。

朱朱好身手。(葉志明攝)

對於身手靈活過人,朱朱笑稱有這樣身手,全靠日做家務練成的:「因為我要照顧成頭家,我屋企又冇工人,我又要照顧隻貓,好多家頭細務我都係一腳踢㗎,始終我養小動物,小動物係需要人多啲關愛㗎,咁所以每次我一收工,我就會飛返去睇佢,就好似而家咁,一陣我又衝返去屋企陪佢。(你算唔算係貓奴?)我算係㗎。你睇吓我隻手好多傷痕就知,都係佢太愛我,所於對我太肉緊而造成。」

朱晨麗自認是貓奴。(葉志明攝)

被問要現在有貓萬事足,是否不再需要另一半?朱朱笑言:「都需要㗎。貓始終係寵物,而家我只係同隻貓培養緊我對佢嘅愛。(冇影響到你同另一半嘅生活?)絕對唔會。(咁可以帶埋一齊出街!)如果有機會,而另一半又好鍾意竉物又唔敏感嘅話,唔介意一齊出街咪Ok囉,哈哈,夠晒詳細啦!(咁即代表你另一半已接納咗隻貓嘅存在啦!)如果唔接納嘅話咁就無辦法,哈哈。」

朱晨麗今日出席劇集宣傳活動。(葉志明攝)