「飛躍女」郭栢妍大懵未準備新年派利是 麥玲玲：愈派會愈旺
撰文：吳子生
出版：更新：
香港著名堪輿學家麥玲玲師傅和郭栢妍（Rosita）今日（13/1）齊齊現身尖沙咀出席無綫新春賀年節目《新春開運王》宣傳造勢活動。麥玲玲師傅看過Rosita命格之後，透露她在事業上將有突破性發展：「佢呢幾年嘅運係幾好嘅，佢本身條命屬金，而且又多金，變咗佢最需要木，嚟近連續4年都係木運，咁佢喺事業上都有突破嘅。反而喺感情方面就無需要急住，先行住事業先。」
麥玲玲師傅透露郭栢妍事業將有突破。（吳子生攝）
Rosita接著說：「其實我而家會以事業行先，愛情嘅嘢，我就順其自然啦。（台慶獲獎，今年會否派利是？）哎呀，呢樣嘢我冇諗過，多謝你提一提我。（預算幾多？）我諗會係開心嘅數字，不過我都要返去請教吓啲前輩先，因為我真係唔係好知。」麥玲玲師傅就話：「其實嗰會咁當旺嘅人，愈派就愈旺，變咗係會派多啲嘅。」
麥玲玲師傅和郭栢妍出席《新春開運王》宣傳活動。（吳子生攝）