50歲陳妙瑛超凍齡近照曝光 與歐陽震華激罕合體大灣區睇樓
撰文：金秀玲
出版：更新：
90年代TVB劇集其中一對經典螢幕情侶，必數歐陽震華（Bobby）和陳妙瑛，雖然兩人的CP形象不及Bobby和關詠荷般深入民心，但陳妙瑛卻是唯一一位令「緋聞絕緣體」Bobby打爛齋缽的花旦。兩人對緋聞得啖笑，因為他們在現實生活中一直是好友，即使陳妙瑛已淡出娛樂圈多年，同Bobby仍然好老友。
90年代當家花旦陳妙瑛，與Bobby是經典螢幕情侶！（《洗冤錄》劇照）
兩人曾合作《天降財神》、《金玉滿堂》、《洗冤錄》等經典劇集，數數手指已相識至少27年，近日他們更被拍到一齊去大灣區睇樓！有內地粉絲影到兩位齊齊現身中山，獲經紀迎接睇示範單位，他們更親切地畀心心與現場人士合照。近年專心打理美容王國的陳妙瑛被指擁有過億物業，從相中所見50歲的她保養得非常好，未知今次睇樓是投資抑或自住呢？
陳妙瑛同Bobby相識多年仍然好老友，Friend到一齊睇樓！（小紅書圖片）
Bobby、陳妙瑛友善地跟房產職員合照。（小紅書圖片）
經紀向Bobby介紹樓盤資料。（小紅書圖片）
今年初，陳妙瑛（中）與杜大偉、向海嵐、敖嘉年和張兆輝聚會，外貌冇乜衰老。（IG@anneheung）