全民造星5｜花姐盼大眾對Nathan留手：佢有潛力 希望佢喺呢行發展
撰文：鄧穎琪
出版：更新：
《全民造星5》賽果已塵埃落定，今季花姐（黃慧君）退任監製，但於決賽擔任評判，十強之一的Nathan（魏念恩）日前爆出分手後仍向前女友借錢等負面新聞，形象插水，今日臨時宣布退賽。花姐對此感到可惜，因覺得Nathan一直以來表現都很好，加上自己是「外貌協會」而更喜歡他，花姐說：「但我理解點解佢咁做，呢個係佢選擇，我希望佢有機會喺呢行發展，因為佢好有Potential。」
十強之一的Nathan，臨時宣布因私人理由退賽。（Instagram：nathanael_ngai）
花姐希望傳媒、公眾、網民都可以畀空間Nathan，她特別想講：「呢件係佢自己嘅事，到底件事嘅全部係點我哋都唔知道，我好希望大家畀一個空間佢，我覺得佢而家嘅壓力係大家想像唔到有幾大，我哋做呢行，應該支持一啲有Potential嘅人，而唔係加一腳去踩佢。」她指自己同Nathan唔熟，但以朋友立場支持對方，得知Nathan退賽後都有想過致電慰問，但始終這涉及對方的私事，所以不方便過問太多，不過她歡迎Nathan隨時致電。最後，被問到是否對Nathan退賽感可惜，花姐說：「係可惜，但係都可能應該要咁做。」
花姐對Nathan退賽感可惜，但他似乎確實應這樣做，不過花姐很希望他有機會在這行發展。（梁碧玲攝）