美斯香港缺陣惹公憤成國際新聞　周嘉洛︰少留意時事新聞

周嘉洛今日（6/2）現身油塘出席無綫處境塘劇《愛·回家之開心速遞》宣傳造勢活動。講起前日香港足球盛事，由「香港隊VS 國際邁阿密CF」，90分鐘賽事完結，仍未見「球王」落場。賽後美斯亦沒有同球迷發言致謝及解釋缺陣原因，惹起全港球迷不滿，怒斥「世紀大騙案」，有球迷怒踢美斯人形紙牌洩憤，事件引起廣泛報道成全球焦點國際新聞。

周嘉洛就事件接受《香港01》訪問時表示：「身邊朋友有講過，只係話美斯會嚟香港，而我就唔知佢冇落到場踢波。（你冇睇新聞，全港市民好失望！）我冇睇，因為我自己好少留意時事新聞嘅嘢。（自己鍾唔鍾意踢波？）自己就少運動。（鍾意咩球星？）自己就係本身都冇留意，又點會有。不過有啲出名嘅我會識，但唔敢講話鍾意。（會唔會因為美斯事但件，嘗試去接觸足球運動？）咁又冇咁嘅打算。」