撤辣轉軚「睇淡變睇升」　業主放盤變增持　450萬購元朗尚悅兩房

全面撤辣後，市場回應正面，有原本放盤的業主「轉軚」睇好後市，更增持單位作投資之用。元朗尚悅一伙兩房單位，新近由「轉軚」睇好後市的投資者以450萬元買入，呎價10,613元。

美聯物業區域經理翟安暉表示，該單位為尚悅5座中層G室，實用面積424平方呎，兩房間隔。單位最終獲新買家以450萬元承接，折合呎價10,613元。

↓↓尚悅5座中層G室↓↓

新買家「睇淡 」變「 睇升」

代理指，新買家為區内業主，原本正放售自己所持有的元朗洋樓。但在政府宣佈撤辣後，即時轉變對後市看法並封盤停賣。隨後更決定增持單位，最後僅睇兩次樓即扑鎚入市。

原業主於2013年1月以399萬元購入上址，持貨11年帳面獲利49萬元，期内升值12%。