【eBay專訪】入職過五關斬六將 見工做埋面試官 兼要「跑數」!

撰文:鄺月婷
出版:更新:

本港經濟陷入衰退,不少公司均有裁員,不過,eBay香港、台灣及東南亞業務發展總經理許頌恩接受《香港01》訪問時透露,經濟不景氣,公司採取保守作風,但逆市下仍會繼續招聘人手,傾向聘請有工作經驗的年輕人。「年青人係數碼原生代,佢地思維同埋做事方式都同上一代唔同。而下屬嘅話,我覺得唔可以請同自己做嘢好似嘅人,咁樣諗嘢好難有火花,eBay希望每一個員工都有唔同長處,大家可以互補不足。」

要進入eBay工作,亦需過五關斬六將,她說應徵者需經過電話面試,並要通過主管面試、個人演講面試及同儕面試(peer interviewing),讓員工都成為應徵者的面試官,皆因公司著重團隊合作,若果新同事無法與現有員工相處,將難以融入公司的工作文化。

然則,面試問題刁鑽嗎?許頌恩笑道:「問題係諗到咩就問咩!」在入職工作後,公司鼓勵新員工註冊成為eBay賣家,在平台出售商品,首個月要出售10至15件商品,半年內需累積最少50個買家評價,仿如要「跑數」!許頌恩坦言作為eBay一份子,他們要熟悉平台運作流程,而她自己會去不同平台購物,以買家角度體驗不同平台的優劣。

圖說:科技界一般是男性為主,但許頌恩認為不少科技公司的高層都是女性,「男女都冇太大分別,最重要係睇返果個人能力同埋志向。」

做滿5年有1個月有薪假期

eBay香港員工年齡介乎20多至40多歲,男員工比例略高於女員工。許頌恩稱公司待遇不錯,工作滿5年的員工,除了正常的年假外,還可享有1個月有薪假期(公司稱此為sabbatical),故員工的工作年期較長,「我哋有Work hard, play hard(認真工作,認真玩樂)文化,會定期舉辦團體活動,之前就去咗釣墨魚同埋打高爾夫球,啲員工入咗嚟公司都唔捨得走,我睇住佢地一路拍拖、結婚到生仔。」

另外,eBay每年都會訂立全年及季度GMV(網站成交金額)目標,員工會分工合作,達標的員工績效評核將會較好,而員工若有原因未能達標,績效評核則會有所調整。在疫情期間,eBay的員工可選擇在家工作,她認為員工的健康是最重要,自己會信任員工,相信他們在家也會如常工作,「我自己係疑人不用,用人不疑,所以我會放手畀員工去試,如果員工較為有能力,就會俾多啲野佢做!」