【禁蒙面法】批林鄭社區對話後立法 鍾國斌:唔知佢衡量緊咩嘢

撰文:
最後更新日期:

自由黨黨魁、立法會議員鍾國斌在港台節目《千禧年代》上批評,《禁止蒙面規例》(禁蒙面法)的反效果多過正面效果,又認為現時非適當時機立法,亦不宜用《緊急情况規例條例》(緊急法)訂立,他又批評林鄭在「社區對話」與公眾「見咗一次面,傾咗一陣計」後,便推出具爭議的法例,坦言「唔知佢(林鄭)衡量緊咩嘢,呢啲對話平台仲係咪就此完結?」

林鄭在9月26日展開首場「社區對話」,一星期後便推行《禁蒙面法》。(資料圖片/盧翊銘攝)

鍾國斌嘆《禁蒙面法》的反效果多過正面效果,「星期五公布咗,一到夜晚,同埋整個星期六日,大家睇到發生啲咩事」。

他認為,立《禁蒙面法》非大問題、可討論,外國亦有國家已立法,特別大部分西方民主國家都有,因它們容許遊行和示威。至於香港,他認為若經立法會立法,起碼經過長時間討論,令到市民甚至議員都可以知道如何處理,「宜家冇人知道,總之你戴住個面罩行出街,得定唔得,唔知,點解係學校又要點下人數,呢啲從來冇討論過嘅情況」

他覺得,「有啲事做出來係事半功倍,有啲事倍功半」,現在非適當時刻立《禁蒙面法》,更非用《緊急法》立法,質疑為何不能透過《公安條例》處理,「唔係話十零二十人、用幾個鐘頭,就決定咗一個咁重大嘅、咁大爭議嘅兩條法例」。

政府一直提出要與市民對話,包括最近的「社區對話」,鍾國斌指「見咗一次面,傾咗一陣計」,接著便使用和推出具爭議的《緊急法》和《禁蒙面法》,他坦言「唔知佢(林鄭)衡量近咩嘢,呢啲對話平台仲係咪就此完結?唔會再傾?或者佢再想搞都冇人睬佢。」

他認為,用法律是解決不到政治問題,現時單靠獨立調查委員會亦不可能解決問題,而是要處理管治問題。他認為政府每次公布重大政策,都起碼要面對公眾或傳媒,解釋政策,他以下周公布的《施政報告》為例,電視、電台論壇欠奉,「你點樣解釋畀市民或大眾知你未來推動嘅政策?自話自說?你唔得架麻,我真係唔知點樣再行落去」。

實政圓桌田北辰在同一節目指,一直認為長遠要設立《禁蒙面法》,但要平息動亂後才談,他亦認為,政府一旦要加強法例,一定要同時設立獨立調查,紓緩社會很多人訴求。

他批評政府現時解決問題「手手硬,冇一手軟」,即使放軟過一下撤回修例,但時機已過。他建議政府應慎重考慮宣布,平息衝突後成立調查警方及示威者的獨立調查。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。